Едно ново истражување покажува дека мажите исто така можат да претрпат насилство од страна на нивните партнерки.

Иако многу често ваквото насилство не е пријавено, траумата натаму може да се развие во пост-трауматично нарушување и желба за самоубиство кај мажите.

Најчесто жртви на семејно насилство се жените. Сепак, истражувачите во последно време ги анализираат ситуациите кога мажите се жртви на семејно насилство.

„Земајќи го во предвид фактот дека мажите стануваат се’ послаби во една ваква врска, ние како експерти за ментално здравје не смееме да ја игнорираме потребата за помош што ја имаат некои мажи,“ – вели Ана Рендл, лидер на ова истражување.

Според едно истражување од 1988 година, скоро 8% од мажите и 25% од мажите потврдиле дека биле сексуално или физички нападнати од страна на нивниот партнер. И мажите и жените страдале од таканареченото пост-трауматично нарушување.

„Ова го отвора прашањето за машките жртви на семејно насилство кое, според податоците, е се’ повеќе и повеќе присутно,“ – вели Рендл.

Денис Ханјс истражувала две групи на мажи помеѓу 18 и 59 години. Од 822 мажи кои биле анализирани, 302 побарале професионална помош затоа што биле насилно нападнати од страна на нивните партнерки.

Другата група од 520 мажи биле телефонски анкетирани. Кога биле прашани за нивните љубовни врски, 16% потврдиле дека имало ситни случаи на насилно однесување од страна на нивните партнерки.

Истражувачите откриле дека и во двете групи постои истата врска помеѓу насилството и пост-трауматичните синдроми на стрес.

Истражувачите сметаат дека сериозните активности на семејно насилство е тесно поврзано со ризикот за развивање на пост-трауматично нарушување.

Во целина, мажите не сакаат да признаат дека се жртви на семејно насилство, вели Рендл. На пример, тие не би сакале да ги покажат своите повреди кои ги добиле затоа што биле нападнати од страна на нивните партнерки а истото се случува кога тие се жртви на психичко малтретирање.

Исто така, полицијата не би уапсила жена затоа што го нападнала својот сопруг.

Идните истражувања треба да се потрудат да го пријават и да го претстават овој феномен во јавноста за луѓето да бидат свесни дека оваа појава навистина постои.