Да живеете со личност која страда од антисоцијално нарушување може да е навистина збунувачки...

Дали живеете со некој што постојано ви кажува што да правите, што да облечете и како да се однесувате?

Дали сметате дека ваквите луѓе воопшто не водат грижа за вас и сите други?

Дали мислите дека чувствуваат вина за нивните постапки?

Можеби живеете со некој што има проблеми со сопствената антисоцијална личност. Симптомите на овие лица се постојани, и не се случуваат од време на време. Ваквите лица имаат антисоцијално однесување. Исто така, прочитајте ги следниве симптоми на ваквите луѓе:

1) Не се каат за своите постапки

2) Немаат чувство за емпатија – не покажуваат никаква грижа за туѓите чувства

3) Немаат способност да размислуваат за постапките и последиците, секогаш обвинуваат други за нивните сопствени постапки

4) Шармантни се и паметни

5) Имаат голема способност да манипулираат со чувствата на другите луѓе

6) Арогантни се и често се лутат

7) Можеби се корисници на некакви дроги

8) Знаат да лажат па дури и да крадат а за тоа да обвинат други

9) Не го почитуваат законот затоа што мислат дека за нив тој не важи

10) Лукави се и подли

Заеднички живот со луѓе кои имаат проблеми со антисоцијано однесување:

Ваквите луѓе можат навистина да ве збунат. Можете да си мислите дека се' е во ред и дека конечно вашиот сакан сфатил како се чувствувате и конечно ќе почне добро да се однесува. Овој период на "добро" однесување не трае многу долго, можете дури да почнете да ги обележувате добрите и лошите денови за да ја воочите целата шема.

Од друга страна, можеби не одат по некоја шема, но ако веќе ја имаат, вие полесно ќе можете да се извлечете. Најстрашната страна на врската со ваква личност е фактот дека тие никогаш не се грижат за вашите чувства. Ова невнимание е постојано и не се случува само привремено.

Исто така, бидете свесни дека овие луѓе не чувствуваат никаква вина или грижа на совест па можат многу лесно да ви наштетат ако се соочите со нив. На вас останува дали и вие би побарале помош од психолог со кој би направиле план за тоа како да се извлечете од ваква врска. Можеби сеушуте ќе чувствувате љубов за таа личност, но бидете свесни дека за нив нема лек.

Можеби ќе ве натера да мислите дека нема да можете да функционирате без него/неа. Ваквите лица знаат да манипулираат со туѓите чувства. Со тоа што ќе направите план и ќе побарате помош, полесно ќе се извлечете. Не смеете да мислите дека тоа што барате помош ве прави глупави или неспособни. Извлечете се пред да бидете повредени.

Ако веќе сте им ја сфатиле шемата, обрнете внимание. За време на убавите периоди, внимавајте што можете да земете за себе. Можеби станува збор само за ситни пари или пар панталони, но и тоа треба да го правите и да бидете свесни дека треба да излезете од врската без да бидете повредени.