Иако се чини како апсурден парадокс, ново истражување укажува дека најсреќните земји и најсреќните држави имаат највисока стапка на суицидност.

Истражувачите од Универзитетот во Варвик и колеџот Хамилтон разгледаа податоци од САД и интернационалната анкета за одлуки за самоубиство, вклучувајќи информации од повеќе од 2.3 милиони американци.

Откритието на невообичаено високата стапка на суицид во среќните места за живеење ги поддржува првичните испитувања направени во други земји.

Ова ново истражување откри дека голем број на народи, вклучувајќи ги Канада, САД, Исланд, Ирска и Швајцарија, прикажуваат релативно висок степен, а и имаат висока стапка на самоубиства. Споредбата со државите од САД помогна да се намали пристрасноста при споредбата на земјите со други култури.

Истражувачите открија дека државите со луѓе кои се во основа позадоволни со својот живот имаат тенденција да имаат повисок степен на самоубиство отколку тие со пониско ниво на животна сатисфакција.

На пример, необработените податови покажаа дека Јута е рангирана како прва во животната сатисфакција, но има 9-та највисока стапка на самоубиства. Во меѓувреме, Њу Јорк е рангиран како 45-ти во животната сатисфакција, а има најниско ниво на суцид во земјата.

Во обидот да се одредат факторите кои може да влијаат на изненадувачката поврзаност, истражувачите ја прилагодија возраста, полот, расата, образованието, приходот, материјалниот статус и работниот статус.

Дури и со овие прилагодувања постоеше многу силна корелација помеѓу степенот на среќа и стапката на самоубиства.

Испитувачите веруваат дека контраинтуитивната врска помеѓу среќата и стапката на самоубиства доаѓа од човечката карактеристика за споредба на самиот себе (и својата животна состојба) со другите.

Според еден од истражувачите, "Незадоволните луѓе во среќните места може да се чувствуваат како да се третирани особено грубо од страна на животот. Овие темни контрасти може за возврат да го зголемат ризикот од самоубиство. Доколку луѓето се предмет на промени во расположението, падовите во животот може да бидат потолерантни во средина во која останатите луѓе се несреќни."

Друг истражувач заклучи, "Овој резултат е конзистентен со друго истражување кое покажува дека луѓето ја проценуваат сопствената благосостојба во споредба со другите околу нив. Овој вид на влијание на споредбата се покажаа и во однос на приходот, невработеноста, криминалот и дебелината."