Постојано доцните и ништо не стигнувате да направите навреме. Немирни сте и тешко ви се седи на место. Звучи познато?

Тогаш можеби сте меѓу милионите кои имаат пореметување на дефицит на внимание или хиперактивно пореметување (ADHD).

Многу луѓе и не разбираат дека имаат проблем се додека не стане толку сериозно што ги спречува во извршувањето на работата. Според американските податоци луѓето сo не лекувано хиперактивно пореметување просечно заработуваат 10 илјади долари помалку од оние кои немаат такви проблеми, често добиваат откази или самите ја напуштаат работата, и имаат големи изгледи дека ќе се разведат, објаснува Стивен Курц, директор на Центарот за хиперактивно пореметување во Њујорк.

Откривање на симптомите

ADHD секогаш прво се појавува во детството, но со оглед дека ова пореметување пред неколку децении не беше толку познато, веројатно не е ни дијагностицирано. Иако повеќето деца со ADHD ја прераснуваат состојбата, симптомите најчесто исчезнуваат за време на пубертетот но повторно симптомите се враќаат со возраста. Промените во животот како нова работа или раѓање на дете можат да ја влошат состојбата.

Ако имате проблеми со завршување на проектите, заборавање на состаноците или не можете да се сконцентрирате кога луѓето ви зборуваат нешто, можно е да имате ADHD. Но симптомите понекогаш се многу посуптилни. На пример:

Импулсивно купување

Луѓето со ADHD тешко ги контролираат своите импулси, па можете да потрошите многу повеќе од колку што имате и да паднете во финансиски проблеми.

Проблем во комуникација

Ако имате ADHD, склони сте да ги прекинувате другите во говорот и да кажете се што ви е на памет. "Тоа понекогаш го прават сите, но ако имате ADHD, се случува многу често и влијае на односите", вели доктор Саркис.

Никогаш ништо не стигнувате на време

Се одложувате до последната минута, имате проблем со завршувањето на започнатите работи или нешто започнувате и никогаш не завршувате. Со ова пореметување многу е тешко да се мотивирате да работите нешто за што не ви е воља.

Лечење

Лечењето кај возрасните всушност е комбинација од лекови и когнитивно-бихевиорална терепија. „Истражувањата покажаа дека комбинацијата делува подобро одколку секоја посебно", истакнува Сакрис.

Како точно ќе изгледа терапијата зависи од тежината на случајот и дали состојбата е придружена со депресија или анксиозност. Но често се применува учење на исфрлање на негативните мисли со позитивна автосугестија. На пример, кога знаете дека сте во временски теснец со задачата вие велете си себе си "Јас го можам тоа", наместо "Никогаш нема да стигнам". Терапевтот ќе работи со вас на организација на времето и други организациски техники со цел да бидете попродуктивни, објаснува доктор Саркис.