Иако многумина го сметаат за најубавиот дел од годината, еуфоричниот период на новогодишните и божиќни празници кај некои луѓе знае да предизвика стрес, нервоза и депресија.

Еве како полесно да се справите со таа празнична депресија и да си помогнете себеси:

Реално планирајте

Не поставувајте цел за која не сте сигурни дали можете да ја остварите. Наместо сите празнични задачи да ги направите во истиот ден, пробајте да ги распоредите во неколку дена.

Прифатете промени

Некои од промените кои ги носи животот едноставно не се тоа што ние го сакаме. Но, за да продолжиме понатаму, важно е да ги прифатиме.

Дозирање на тага

Ако за време на празниците почнете да се присетувате на некои тажни и лоши сеќавања, едноставно дозволете си да ја изразите таа тага, па никој не е постојано среќен. Но, никако не дозволувајте поради тагата да се изолирате од светот.

Поглед нанапред!

Свртете се кон иднината. Минатогодишните случувања не се секогаш најубави за да се сеќавате на нив, па затоа оставете ги во минатото. Не дозволувајте минатите празници ако ви останале како лош спомен, да го диктираат и оваа година новогодишниот дух.

Стапицата на подарување

Парите се најчеста причина за празничното очајување, тврдат експертите. Најдобро е да одредите колку ќе потрошите и кон која сума ќе се придржувате. Сепак, сите знаеме дека најубавите подароци не можат да се купат.

Воспоставете цврста граница

Научете да кажете „не"! Секој има своја граница, па ако сметате дека нешто не можете да го направите, запрете на време.

Организирајте си го времето

Чекајќи до последниот момент, се доведувате себеси во стресна ситуација. Наместо семејниот ручек и подготовката на подароците да ги организирате во последниот час, пронајдете малку слободно време за планирање.

Разговорот е лековит

Ако и покрај промените, излегувањата и забавата, и понатаму не можете да ги тргнете црните мисли, тогаш разговарајте со некого. Разговорот е волшебен и лековит кога ве мачат вакви мисли, кога ќе ги споделите со некого е многу полесно.