Зошто луѓето тврдат дека не би сакале да ги повторат најдрагите моменти од својот живот?

Тој незаборавен меден месец има посебно место во вашето сеќавање – толку посебно, што не сакате да го повторите. Нова студија во "Journal of Consumer Research" тврди дека луѓето кон своите убави сеќавања се однесуваат како кон нешто што треба да се зачува по секоја цена.

"Кога беа запрашани дали посакуваат да се вратат на место на кое поминале "исклучително посебни" мигови или пак "пријатен, но не многу посебен одмор или вечерно излегување, луѓето повеќе посакуваа да се вратат на место каде што имале пријатно, но не и посебно искуство", велат авторите Гал Зауберман (Универзитетот во Пенсилванија), Ребека К. Ратнер (Универзитетот во Мериленд) и Б. Куј Ким (Универзитетот во Пенсилванија).

Истражувачите велат дека учесниците не сакаа да ги расипат свите сеќавања на посебни настани. Освен ако научниците не ги убедија дека вторите искуства ќе бидат многу слични на првобитните, тие преплашено одбиваа да ги повторат.

Студијата исто така ги истражуваше мотивациите зад купувањето сувенири, познати во  истражувањето како "мемориски покажувачи". На пример, поголем број учесници изјавија дека повеќе би сакале да поседуваат це-де од нивната омилена група отколку скулптура од Мајанската цивилизација, освен ако веќе имале посебно патување до урнатините на храмовите на Маите. "Оние кои земаа во предвид едноставно и пријатно патување – на пример, со сончево време, читање на плажа, но без некакви посебни искуства – немаа никаква потреба да се здобијат со работи за кои сметаа дека ќе ги присетат на доживеаното искуство."

"Оваа желба да се заштитат сеќавањата на значајни искуства се појавуваше дури и кога учесниците сметаа дека овие искуства ќе бидат повеќе вредни за присетување отколку што би биле секојдневните искуства," заклучуваат авторите.