Вашите чувства се посилни од се, дури и од заборавените спомени.

Луѓето што боледуваат од антероградна амнезија која се појавува како резултат на оштетувањето на хипокампусот на мозокот, можат да запомнат детали од нивното минато меѓутоа не се способни да генерираат нови. Како и да е, не е се’ изгубено. Истражувачите од Универзитетот во Ајова покажаа дека емоциите остануваат кај овие луѓе иако тие ја заборавиле причината поради која се појавиле, а ова функционира како важен податок за тоа како мозокот складира различни информации.

Невропсихологот Џастин Фејнштајн и неговите соработници им покажуваа две снимки (што вклучуваа сцени од филмот The Notebook и America’s Funniest Home Videos) на пациенти со сериозна антероградна амнезија со цел да им го активираат чувството на тага и среќа. Тестовите за меморија кои им ги направиле подоцна покажаа дека пациентите запомниле многу мал дел на детали од снимките. Меѓутоа, при мерењето на чувствата, се покажа дека чувствата предизвикани од снимките останале во нивната меморија и притоа чувствата на тага биле поинтензивни од тие на среќа.

„Иако мислевме дека емоциите се поврзани со меморијата во нашите мисли, се покажа спротивното,“ – вели Фејнштајн.

Пациентите кои боледуваат од Алцхајмерова болест и деменција имаат нарушувања на хипокампусот слични на пациентите што боледуваат од антероградна амнезија. Ова истражување покажува дека посета или пак телефонски разговор со овие луѓе може да има големи позитивни ефекти иако тие ќе заборават на целата интеракција, вели Фејнштајн.