Како можете да предвидете дали некој ќе остане смирен или ќе избувне кога е под стрес? Може ли некој да прифати клучен фидбек или тоа ќе ја руши нивната самодоверба?

Нова струдија укажува дека луѓето со посебни когнитивни способности беа најдобри во справувањето и контролирањето на негативните емоции откако беа оштро критикувани.

Психологот д-р Хит А. Демаре, автор на студијата во списанието Emotion, откри дека капацитетот на работната меморија е клучен за контролирањето на емоциите. Капацитетот на работната меморија е "способноста да се процесира текот на информациите додека се вклучуваме во посебна задача или додека сме растроени," вели тој.

На пример, земањето на белешки за време на предавање: мора да слушате што зборува предавачот во моментот, да запомнете што досега беше кажано и да го запишете.

"Луѓето се разликуваат во однос на тоа како ги контролираат своите емоции и еден фактор кој го предвидува тоа е неемотивната природа - тое е 'ладен' когнитивен конструкт," вели Демаре.

Во студијата, Демаре и д-р Брендон Џ. Шмајхел ја анализираа врската помеѓу високиот капацитет на работната меморија и контролата на емоциите. Демаре вели дека ова истражување е "ретко бидејќи предвидува како емоционалнотот функционирање е поврзано со капацитетот на работната меморија... и е едно од првите истражувања кои покажуваат дека ладната когниците предвидува жешка емоција."

Истражувачите открија дека иако емоциите може да се контролираат, луѓето со повисок капацитет на работната меморија беа подобри во менаџирањето на нивните емоции кога им беше наведено да го прават тоа.

Со други зборови, луѓето со повисок капацитет на работната меморија автоматски користеа стратегија која им овозможи да се чувствуваат подобро и ја задржаа контролата кога се соочија со негативна ситуација како критикување или напад на личноста, објасни Демаре.

Способноста да се предвидат емотивните реакции може да биде корисна на повеќе начини. Техниките за регулирање на емоциите може да бидат прилагодени за индивидуите врз основа на тоа колкава е веројатноста дека тие ќе ги употребат.