Каква е здравствената корист од плачењето?...

Доказите укажуваат дека испуштањето на солзи ја намалува алергијата и ја ублажува болката кај реуматоидниот артритис.

Јапонската студија со пациенти кои болуваат од реуматоиден артритис открила дека оние кои плачат чувствуваат помалку болка и имаат помали симптоми за разлика од оние кои се воздржуваат.

Тестирањето на крвта веднаш по плачењето покажало дека нивото на природните имунолошки хемикалии кои инаку ја влошуваат оваа болест, ги имало помалку и овие пациенти подобро ја контролираат болеста.

Многу експерти велеле дека ова е доказ дека солзите се природна одбрана на телото против хормоните на стресот кои би можеле да му наштетат на телото.

Плачењето е проследено со зголемена активност во парасимпатичниот нервен систем, а негова работа е да го смири телото по некое стресно случување и да ја забави работата на срцето.

Кога плачат жените, а кога мажите?

"Не пишано правило е дека жените плачат повеќе, но сепак и двата пола плачат подеднакво во текот на големи животни случувања, како што е жалењето за некој што починал.", објаснил проф. Ад Вингерхотс, психолог и експерт на подрачјето за плачење.

Меѓутоа, ако се споредат со жените, мажите почесто плачат за позитивни случувања, додека женските солзи почесто се појавуваат за оние негативните. За оваа разлика експертите ги обвинуваат хормоните. Имено тестостеронот ја поттиснува потребата за плачење, додека женскиот хормон пролактин поттикнува сочувство и солзи.

Професорот Вингерхотс вели дека на количината на солзите влијае способноста да сочувствувате и невротичноста. Колку е поневротично лицето толку повеќе ќе биде чувствително на чувствата на другите луѓе и лесно ќе заплаче.