Конфликтите помеѓу тенисерите и судиите настануваат поради погрешна визуелна перцепција од страна на играчот.

Многу често непријатна конфронтација ја разбива мирната атмосфера на тениски натпревар, кога некој играч бесно протестира против одлуката на линискиот судија. Ваквите драматични настани обично го прават телевизискиот пренос поинтересен, но новите анализи покажуваат дека линиските судии се обично во право. Иако овие откритија веројатно нема да ги запрат спортистите во искажување на своите фрустрации, сепак овозможуваат во голема мерка увид на можностите на човечката визуелна перцепција.

За да се разрешат конфликтите, професионалната тенисерска асоцијација во 2006 година го  прифати видео системот наречен “соколово око” кој ја прати позицијата на топчето и им овозможува на тенисерите да ја предизвикаат одлуката на судијата. Психологот Џорџ Матер од Универзитетот од Сасекс во Велика Британија сфати дека податоците од "соколовото око" може да помогнат  да се процени каква е нашата перцепција во ситуации кои бараат брзи и решителни одлуки - топчињата кои ги удираат професионалните тенисери често патуваат со брзина од 50 метри во секунда.

Матер собрал податоци од околу 1500 предизвици на одлуки во 15 професионални тенис турнири во периодот од 2006 до 2007. Ги организирал во зависност од близината на топчето до линијата, според објавите на системот ""соколово око и без разлика дали во конфликтот бил вклучен линискиот или основниот судија, на задниот дел од теренот.

“Бев изненаден од тоа колку многу предизвикот и грешката зависеа од позицијата на топчето,” изјави тојј. Доколку предизвикот се должел поради намаленото внимание на судијата или неспортското однесување на играчите, Матер вели дека не би постоела голема поврзаност помеѓу локацијата на топчето и предизвиците или грешките. Наспроти тоа, открил дека речиси сите од тие предизвици – 95 проценти - се појавуваа кога топчето било околу 10 центиметри од линијата, што значи дека предизвикот настанал поради конфликтини перцепции. Во такви ситуации, податоците од "соколовото око" ги поддржале судиите во околу 60% од случаите. Податоците покажуваат дека перформансата на судиите “била извонредно добра”, вели Матер, кој ги објавил своите наоди во Proceedings of the Royal Society B.

Бихејвиористичкиот невролог Саумил Пател од тексашкиот Универзитет за медицина во Хјустон вели дека за студијата на Матер “потребни се многу, многу години лабараториско истражување за да се утврди како мозокот ги процесира информациите” за телата во движење и го применува тоа во нешто што рутински настанува во тенисот. Пател, кој специјализирал истражување на визуелните перцепции, смета дека е “неверојатно” тоа што комплексен проблем  како што е одлуката на линискиот тениски судија “се вклопува во едноставна статистичка рамка.”