Статистиките покажуваат дека спортот помага при намалувањето на стресот кај мажите...

Знаеме дека физичкото образование ги учи децата за подготвеноста и способностите и ги охрабрува на здрав животен стил. Сега, истражувач од Универзитетот во Тел Авив има статистички докази дека спортувањето е корисно и за когнитивната, емоционалната и бихејвиоралната благосостојба на детето.
Керен Шахар, докторант на Боб Шапел школата за социјална работа на Универзитетот во Тел Авив, вели дека во текот на нејзината студија, која вклучуваше 649 деца со низок социоекономски статус, континуирана програма од разни спортови помогна да се подобрат самоконтролата и дисциплината, како и да се намалат чувствата на агресија кај децата во целина.

Рецепт за поздраво тело и ум

“Целта беше да истражиме дали спортската обука би имала позитивно влијание врз овие деца преку намалување на агресијата и како овие резултати може да се постигнат,” објаснува Шахар. Тоа би било поефикасно отколку вербалната терапија, вели таа, бидејќи додека вербалната терапија ги охрабрува децата да го контролираат своето однесување, истражувањето укажува дека тоа не ги редуцира негативните емоции. Меѓутоа, учествувањето во спортски активност може да го намали агресивното однесување како резултат на справувањето со негативните емоции.

Во 25 училишта низ Израел, Шахар и нејзините помошници во истражувањето анализираа вонучилишна спортска програма базирана на спортови во времетраење од 24 седмици. Половина од учесниците ја формираа контролната група која не добиваше спортска настава, а другата половина беа систематски воведени во разни спортски активности пет часа неделно. Три пати во седмицата, студентите од 3-то до6-то одделение играа групни спортови како кошарка или фудбал. Два пати в оседмицата, тие учествуваа во боречки вештини, вклучувајќи џудо и карате.

После 24 седмици од практикувањето на програмата, Шахар ги спореди прашалниците и оценките добиени на почетокот на програмата со истите тестови спроведени на крајот. Нејзините резултати покажаа подобрувања во карактеристиките поврзани со самоконтролата на учесниците, како самонабљудување, вештини за решавање на проблеми и одложено задоволување - што на крајот доведе до намалување на зачестеноста на агресија. Само оние деца кои беа изложени на повисоки нивоа на самоконтрола исто покажаа пад на агресијата.

Момците имаат најголема корист

Девојчињата имаа многу послаба реакција на спортската програма од нивните машки соученици, покажа истражувањето на Шахар. Статистички, имаше мала промена во женската популација. Шахар објаснува дека девојките не страдаат од истите проблеми на агресија како и момците, а и помала е веројатноста да покажат страст за спорт.

Но, истражувањето се уште важи, додава Шахар. Клучно е да се приклучат децата кон нешто што сакаат да го прават и во што имаат голем интерес. “Пронајдете нешто што ги мотивира,” советува таа. Силна поврзаност со било која активност им дава на децата чувство на успех и ја намалува веројатноста дека ќе ги прикажат своите бихејвиорални проблеми.