Фудбалерите, кошаркарите, бејзбол играчите и останати спортисти кои плачат после пораз се многу поуспешни на терен, отколку оние што "машки" се држат.

Мажите спортисти кои полесно ги покажуваат своите емоции се поуспешни од останатите и на терен и надвор од него, тврдат истражувачите од Универзитетот Индијана. Нивната студија е базирана на интервјуа со 150 американски фудбалери во врска со нивната перцепција за плачењето, откако прочитале четири различни сценарија за играч кој плачел.

Подготвеноста на спортистот да ги покаже емоциите може позитивно да влијае врз неговиот перформанс на долг рок, објаснуваат психолозите.

Резултатите покажале дека фудбалерите кои сметале дека е ОК играчот да плаче кога ќе изгуби меч биле лица со поголема самопочит.

"Испитаниците пак кои сметаат дека е непријатно еден спортист да плаче, беа луѓе со помала самодоверба," објаснуваат психолозите.

Играчите кои учествувале во студијата признале дека постои притисок да го следат стереотипот дека "големите" мажи никогаш не покажуваат емоции, но се покажало дека оние играчи што биле посрдечни со соиграчите биле посреќни и позадоволни од животот. Според истражувањата, ваков притисок врз спортистите може негативно да влијае врз нивната психа, да им ја намали самодовербата и да доведе до полоша изведба.