Според истражувањето на Нортумбрија Универзитетот, измамата на мозокот може да доведе до 5 процентно подобрување на спортската перформанса...

...вести кои може да имаат значајно влијание врз шансите на атлетите на Олимпијадата во 2012 година.

Во истражувачки проект, обучени велосипедисти беа замолени да се тркаат со аватар на компјутерскиот екран за кој веруваа дека се движи до степен на најдоброто изведување на велосипедистот.

Сепак, аватарот всушност се движеше за 1 процент побрзо од најбрзото време на велосипедистот. Покрај тоа, велосипедистите кои можеа да се видат себеси како аватар кој вози на виртуелната патека, беа способни да му се спротивстават на нивниот противник, возејќи побрзо од било кога порано.

Истражувачите веруваат дека тоа се случува бидејќи умот го очекува крајот на делот од вежбата со цел да постави првично темпо. Сензорните рецептори, кои ги набљудуваат телесните одговори, ја пренесуваат информацијата до мозокот, дозволувајќи му да ги контролира ресурсите на телото да траат до крајот на вежбата за да се избегнат оштетувања.

Професор Кевин Томпсон, раководител на оддлеот за спортски науки на Нортумбрија Универзитетот, кој го спроведе истражувањето заедно со студентот на докторски студии Марк Стоун, вели: "Ние сметаме дека овој систем е конзервативен и дека дури и кај доброобучени индивидуи, кои имаат добро развиен шаблон на темпирање на ритам, постои резервна продукција на енергија која може да биде искористена за понатамошно подобрување на перформансите."

Тој додава: "Овие наоди укажуваат на постоење на метаболитичка резерва која, ако е достапна, може да овозможи подобрување на изведбата од 2 до 5 проценти во однос на нивната просечна моќност."

"Во спортот на елитно ниво, дури и подобрувањето од 1 процент во просечната брзина може да направи разлика дали некој ќе освои место на подиумот или не."

Оваа студија откри дека додавањето на компетитивен противник за мотивирање на учесниците да стигнат до оваа резерва не беше ефикасно кога учесникот беше свесен дека неговиот противник имаше 2 до 5 проценти посилно остварување, но беше ефикасно кога учесниците не знаеја за тоа.

Професор Томпсон додаде: "Веруваме дека мала измама на мозокот може да ја подобри изведбата. Покрај зголемувањето на интерналниот фидбек во мозокот од зголемената моќност која се создава, учесниците сеуште веруваа дека беше можно да го победат нивниот противник."