Според Американското здружение на психолози, спортската психологија опфаќа широк спектар на теми вклучувајќи...

"...мотивација да се истрае и достигне, психолошки размислувања при спортски повреди и рехабилитација, техники на советување со атлети, процена на талентот, самоперцепирање поврзано со постигнувањето, експертиза во спортот, спорт за млади и подобрување на перформансите и техники на саморегулација."

Иако современите перцепции често претпоставуваат дека спортската психологија се занимава само со професионалните спортови, оваа специјална област вклучува широк опсег на научни. клинички и применети теми кои вклучуваат спорт и вежбање. Постојат две клучни области на интерес во спортската психологија: разбирање како психологијата може да биде применета за да ја подобри мотивацијата и перформансите и разбирање како спортовите и атлетиката може да го подобри психичкото здравје и целокупната благосостојба.

Спортските психолози може да одберат да специјализираат и во одредена област. Некои примери на поголема специјалност во ова поле вклучуваат:

• Применета спортска психологија која се фокусира на учење на вештините за подобрувњае на атлетските перформанси како поставување на цели и визуелизирање.

• Клиничка спортска психологија која вклучува комбинирање на стратегиите за психичко обучување од спортската психологија со психотерапија за да им помогне на клиентите кои страдаат од проблеми со психичкото здравје кои вклучуваат пореметување на исхраната и депресија.

• Академските спортски психолози предаваат на колеџите и универзитетите, а спроведуваат и истражувања.

Што работат спортските психолози?

Спортските психолози обично извршуваат низа на задачи поврзани со спортските перформанси и едукација. Некои одлучуваат да предаваат на ниво на универзитет, додека другите работат директно со атлетите на зголемување на мотивацијата и зголемување на перформансите. Други опции вклучуваат советување, научни истражувања и атлетско консултирање.

Во прилог на работата со професионални атлети, спортските психолози ја користат и својата експертиза за да ја подобрат психичката благосостојба на не-спортистите. Тие може да работат со широк опсег на клиенти вклучувајќи деца и тинејџери вклучени во атлетиката, професионални атлети и тимови заинтересирани за подобрување на нивните перформанси и повредени атлети кои работат на враќање во натпреварувачка форма.

Дали професијата како спортски психолог е правилна за мене?

Само вие можете да одлучите дали кариерата како спортски психолог одговара на вашите потреби, интереси, таленти и цели. Доколку не го сакате спортот или вежбањето, оваа кариера веројатно не е за вас. Но, доколку уживате да им помагате на другите луѓе да ги постигна своите целосни потенцијали, решавајќи ги сложените проблеми и работејќи како дел од тимот, ова поле може да биде идеално за вас.

Кои се предностите и недостатоците на спортската психологија?

Како сите професии, спортската психологија си има свои предности и недостатоци. Пред да одлучите дали оваа професија е вистинска за вас, поминете некое време на подлабоко запознавање на спортската психологија. Истражете ги вашите опции така што ќе поминете воведен курс за темата и внимателно разгледајте ги вашите избори пред да одлучите.

Предности на спортската психологија како професија

• Спортските психолози често работат како дел од колаборативен тим.

• Постојат разни професионални патишта и можности за специјализација (предавање, спортови за млади, професионални тренинзи).

• Може да биде забавна, предизвикувачка и возбудлива работа.

Недостатоци на спортската психологија како професија

• Акцентот врз тимската работа може да биде тежок за независно ориентираните иднивидуи.

• Бара интензивно образование, обука и искуство.

• Можностите се генерално ограничени за лицата кои дипломирале или имаат магистерски степен во оваа област.