Има моменти кога најужасното однесување, во комбинација со најнеморалните луѓе станува иронија...

Иронијата е во тоа што со изложувањето на вистината дека жртвите страдаат се повлекува и завесата на измама, лаги и фасада која ги остава жртвите збунети, ако не и замолчени целиот свој живот.

Штетата која е направена кога физичките граници на личноста се сексуално нарушени е застрашувачка. Кај децата, жртвите често се запрашуваат што направиле за да придонесат за вакво однесување или може да се чувствуваат виновни за вниманието кое го добиле додека биле злоставувани. Кога еднаш ќе започнат да ја препознаваат грешноста на тоа што се случува, заканите и манипулацијата се интензивираат. Злоставувачот добро ја познава контролата на мислите. "Направи да изгледа како да им правиш услуга. Никој друг не те разбира и не ти го дава тоа што ти треба, но јас правам да се чувствуваш посебно, јас се грижам за тебе. Доколку започнат да се сомневат, направете да се чувствуваат толку виновно што ќе се вратат да бараат поддршка." Тоа е апсолутно ужасно. Многу од жртвите се чувствуваат осамено, како нивната душа да се растргнала. Бесни, но не се сигурни зошто. Виновни, засрамени, но не можат да кажат никому.

Злоставувачите се крадци. Тие ја крадат невиноста од нивните жртви. Сексот е возилото. Злосторот е за моќ. Без разлика што се случува, најдобрите терапевти на светот немаат временски машини и не може да го вратат тоа што им се случило на децата. Постои терапија, но прашањето е дали можат или не можат да преминат од позицијата на жртва во позиција на преживеан. Дали нивните рани продолжуваат да крварат со мала провокација или пак сега се само лузни, потсетници на болното минато, но се поневажни со текот на времето. Најдоброто на што можеме да се надеваме е да ги направиме злоставувачите немоќни во однос на нивните жртви. За децата, потребни им се возрасните да го направат тоа за нив.

Нема негирање дека влијанието може да биде разочарувачко. За да биде полошо, кај машките жртви (бидејќи сторителите се најчесто мажи), тие добиваат дополнителен товар. Често, прашањето за нивната сексуалност станува конфузно наспроти верувањето. Кај женските жртви, како што е грозно, тие обично ја играат улогата на женката кога се сексуално злоставувани. Кај машките жртви, ја добиваат улогата на женката или на хомусексуален мажјак. Затоа, над штетата која е направена, кај машките жртви повремено може да стане полошо бидејќи започнуваат да се запрашуваат дали се мажи или не. Машките преживувачи на сексуалното злоставување имаат помала веројатност да прифатат да ги раскажат своите приказни и поради тоа имаат помала веројатност да ја добијат потребната терапија.

Во спортскиот свет, има луѓе кои пишувале за сексуалното злоставување меѓу спортистите со години, но тоа беше длабока, темна тајна за која малкумина зборуваа. Поранеше тренер на Американскиот пливачки тим беше осуден на 10 години поради сексуално злоставување на пливачи. Поранешни професионални хокеари, Тео Флари и Шелдон Кенеди, соопштија дека биле сексуално злоставувани како деца во Канада.

Шокирачки е тоа што недостасува гнев. На жртвите и нивните семејства им се нудат молитви. Да бидеме тивки и да дадеме поддршка. Еден спортски аналитичар од ЕСПН, Марк Меј, цврсто застана и гласно го искажа гневот. Како може маж да се сопне од друг маж кој злоставува дете под тушевите и да не интервенира за да го запре, тоа е одвратно. Но, во спортскиот свет, постои реален страв за заштита на сликата на организацијата. Тоа долго беше чувано во тајност. Верување дека "тренерот ќе среди". Тоа лошо однесување ќе биде на некој начин ослободено.

Ние треба да разбереме дека постојат луѓе кои прават ужасни злосторства. Да се биде родител е многу ранливо чувство, бидејќи не можеме да ги заштитиме децата постојано од се што се случува. Но, доколку колективно замижиме и дозволиме нашите деца да бидат повредени и злоставувани, тоа им овозможуваме на злоставувачите да продолжат. Самото остварување на злосторствата треба да не направи посвесни, подостапни за препознавање на жртвите и нивно помагање. Направете да се чувствуваат безбедно за да продолжат и да не мора да молчат повеќе.