Кофеинот во комбинација со јаглехидрати може да се користи за да им помогне на спортистите да имаат подобра изведба на теренот, според ново истражување на експерт за спортска исхрана.

Мајур Ранхордас, предавач и нутриционист за перформанси на Шефилд Халам Универзитетот, спроведе студии врз фудбалери користејќи кофеин и јаглехидрати комбинирани во пијалок. Заедно со подобрувањето во изджливоста предизвикани од внесувањето на јаглехидратите, вештините на спортистите се подобрија после земањето на кофеинот и јаглехидратите заедно.

Мајур вели: "Веќе постојат многу истражувања кои покажуваат дека кофеинот и јаглехидратите ја зголемуваат издржливоста, но оваа студија покажува дека има и позитивен ефект врз вештините и перформансите."

 "Спроведовме три различни симулации на фудбалски натпревар од 90 минути - две сесии по 45 минути - кои ја тестираа агилноста, дриблингот, прецизноста со глава и нога. Тестот беше дизајниран за да имитира фудбалски натпревар каде учесниците требаше да изведат неколку повторени спринтови, да дриблаат со топка околу сталки и да шутираат прецизно."

"Откривме дека комбинацијата на јаглехидрати и кофеин им овозможи на играчите да одржат повисок работен интензитет за спринтовите, како и подобрување на прецизноста на шутевите и дриблањето за време на симулираната фудбалска активност".

"Овие наоди укажуваат дека за спортистите кои се натпреваруваат во тимски спортови каде издржливоста е важен фактор, внесувањето на јаглехидрати и кофеински пијалок, наместо само јаглехидратен пијалок, може значително да ја подобри перформансата. Нашите наоди укажуваат дека фудбалерите треба да изберат јаглехидратено-кофеински пијалок пред јаглехидратниот пијалок и да го конзумираат пред почетокот на натпреварот."