Вашите очи оддаваат дали сте повлечени, екстровертни, импулсивни или пак смирени.

Метс Ларсон, дипломец по психологија на Оребро Универзитетот во Шведска неодамна спроведе истражување во кое тврди дека очната зеница може да ни каже каков е некој како личност. Ларсон ги фотографираше очите на 428 волонтери и спроведе стандарден тест на личноста.

Тој потоа броеше колку често се појавуваат крипти (криви  линии кои излегуваат од зеницата ) и бразди (кружни линии околку надворешниот раб на зеницата). Тој откри дека намалената фреквенција на бразди беше во голема мерка поврзана со  толерантност, топлина, доверба и позитивни емоции, додека пак поизразените и подолги бразди беа поврзани со импулсивност.

Неговите резултати можеби изгледаат чудни, но Ларсон забележува дека поранешните студии слабо ги поврзуваа потемните очи со поголема екстровертност, невротичност и социјабилност, иако се чини дека ваквите ефекти изчезнуваат по детството. И, додава тој, мозочниот и очниот развој се блиско поврзани кај неродените деца, така да појавата на поизразени очни карактеристики може воедно да биде поврзана со шеми на мозочни разлики.

На пример, Ларсон посочува на генот наречен PAX6, кој го контролира растежот на ткивото на зеницата. Интригирачки, мутациите кај  PAX6 се исто така поврзани со прилично невообичаено однесување, каде што спаѓаат слабата контрола на импулсите и абнормалностите во асоцираните мозочни структури, како левиот цингуларен кортекс. Сепак, предупредува Ларсон, доколку гледате длабоко во очите на луѓето, тие нема да ви пружат непогрешливи информации за нивниот карактер. "Ние само ги гледавме групните ефекти", вели тој. "Не е можно да се опише карактерот на една личност од нашите податоци. "