Позитивното оценување на другите зборува за вашата емоционална стабилност.

Едно истражување од Универзитетот  Вејк Форест, издадено во Journal of Personality and Social Psychology, пронајде врска помеѓу степенот на позитивна перцепција што ја имаат луѓето едни кон други со нивната сопствена среќа и емотивна стабилност.

Неколку доброволци требаше да дадат позитивни и негативни карактеристики за тројца луѓе што им биле познати. Од ова се откри дека позитивноста на одговорите е поврзана со сопствените карактеристики на учесниците, особено тоа колку тие беа весели, среќни, добри, дружељубиви, емотивно стабилни и способни. Истражувањето покажа дека позитивните оцени на учесниците зависеле од тоа колку самите тие биле задоволни од нивните сопствени животи и колку биле сакани од другите. Истото истражување го повториле по 12 месеци, и се покажа дека позитивното перцепирање на човекот од страна на другите е стабилна особина која не се менува со текот на времето.

Од друга страна, истражувачите открија дека негативното перцепирање на другите луѓе е поврзано со високото ниво на нарцисизам и антисоцијално однесување. Тие сметаат дека техниките за зголемување на позитивните перцепции за другите може да ги редуцира однесувањата што повлекуваат различни растројства на личноста.

Дастин Вуд, водечки истражувач и асистент по психологија, вели:

„Негативниот став кон другите повлекува цел дијапазон на негативни особини на личноста. Самата тенденција да се перцепираат луѓето негативно покажува поголема веројатност за развивање на депресија и други растројства на личноста.“

Резултатите покажуваат дека кога една индивидуа го оценува карактерот на својот колега, во процесот на оценување открива исто толку за својот карактер колку и за карактерот на колегата.

„Вашите перцепции за другите откриваат многу за вашата сопствена личност.“ – вели Дастин Вуд.