Луѓето кои се постојано зафатени, макар и со најбескорисни активности, се посреќни од оние останатите, велат истражувачите од Универзитетот во Чикаго и Шангај.

Истражувачите сметаат дека желбата да се одбегне досадата и депресијата е значајна мотивација за да се заработат пари или да им се помогне на другите.

Ко-авторот на истражувањето Кристофер К. Хси објаснува:

„Мене лично ме интересира зошто луѓето се толку зафатени со тоа што го прават во модерното општество. Постојано трчаат, работат напорно, дури и премногу. “

Истражувачите повикаа доброволци и им дадоа да пополнуваат анкета, а потоа им беше кажано дека ќе треба да чекаат 15 минути до наредната анкета. Им дадоа 2 можности: да ја однесат анкетата до најблиската локација и да седат и да чекаат 15 минути, или пак, да ја однесат на подалечна локација и целото време да го поминат во од. И за двата избора добиваа чоколадо како награда. Учесниците кои тргнаа да го носат анкетите до подалечното место беа посреќни од тие што останаа да чекаат до следната анкета.

Студијата откри дека ако истите чоколади им беа понудени на двете локации, учесниците ќе ја одбереа поблиската. Меѓутоа, ако беа различни, учесниците ќе ја одбереа подалечнато место. Со тоа, патувањето до подалечната локација им изгледаше поосмислено. Луѓето сакаат да бидат зафатени и сакаат да имаат причина со која би ја оправдале нивната зафатеност.

Кристофер К. Хси вели:

„Би било одлично кога би можеле да развиеме механизам кој ќе ги стимулира луѓето на  умерена акција, бидејќи нема да им штети како претераната зафатеност.“