Најинтензивните позитивини и негативни искуства се поврзани со социјалните интеракции, а не со индивидуалните постигнувања.

Ко-авторот на истражувањето,објавено во објавено во Self and Identity, Шира Гебриел, помошник професор по психологија, вели:

“Повеќето од нас голем дел од времето и напорите го фокусираат на индивидуалните постигнувања како работа, хоби и образование. Сепак, ова истражување укажува дека социјалните настани  кои се најважни во нашиот живот ни носат најмногу среќа, но и потенцијал за најголема болка.”

Авторите објаснуваат дека претходното социо-психолошко истражување на оваа тема имаше тенденција да заклучи дека независните настани, за разлика од оние кои вклучуваат и други индивидуи, се одговорни за најсилните емоционални искуства.

Истражувањето вклучуваше 376 субјекти кои учествуваа во четири меѓусебно поврзани студии. Првата вклучуваше студенти кои беа замолени да го опишат најпозитивното и најнегативното емоционално искуство во нивниот живот. Независно од полот, беше поверојатно да ги наведат социјалните наспроти самостојните настани. Втората се фокусираше на средовечните учесници кои беа замолени да опишат неодамнешно интензивно емоционално искуство со слични резултати. Третата студија беше составена на тој начин да ја исклучи можноста дека социјалните настани едноставно се од поголема важност. Четвртата откри дека социјалните настани имаат далеку пофголемо влијание и ја рефлектираат потребата за припаѓање.

Шира Гебриел заклучува:

“Самостојните настани или индивидуалните постигнувања како добивање на награди или исполнување на задачите не влијаеа најсилно врз учесниците, туку миговите кога блиските врски започнуваа или прекинуваа; кога луѓето се заљубуваа или наоѓаа нов пријател; кога сакана личност починала или им го скршила срцето. Накратко, моментите на поврзаност со другите најмногу допираа во животот на луѓето.”