Прекумерните дискусии за животните проблеми имаат негативно влијание врз емоционалната состојба кај девојките кои лесно стануваат склони кон анксиозност и депресија.

Аманда Џ. Роуз, Венди Карлсон и Ерика М. Вокер, направија шестмесечно истражување врз 813 девојчиња и момчиња од трето, петто, седмо одделение и прва година за да ги анализираат добрите и лошите страни на другарските разговори. Податоците покажаа дека ваквите разговори го зацврстуваат другарството, меѓутоа, кај девојчињата исто така беа забележани симптоми на депресија и анксиозност кои понатаму водеа кон потреба за дополнителни разговори.

Аманда Џ. Роуз, водечки автор на истражувањето и професор по психологија, вели:

„Сипмтомите на анксиозност (а со тоа, зголеменото ниво на грижи) и имањето на вистински пријател за дискусија може да ја зголеми потребата за натамошен разговор.“

Истражувачите сметаат дека потребата за разговор е поистакната кај девојчињата бидејќи тие многу поемотивно ги доживуваат проблемите во споредба со момчињата, и често ја преземаат целата одговорност за било кој неуспех врз нивниот грб.

Аманда Џ. Роуз вели:

„Резултатите се интересни бидејќи за време на вакви разговори, женските бараат и даваат позитивна поддршка. Од друга страна, тие само им го зголемуваат чувството на депресија.“

Истражувачите предупредуваат на ризикот од “потпаѓање под влијание на лажна сигурност” кај младите луѓе, особено кај девојките кои им даваат поддршка и утеха на своите другарки. Други истражувања посочуваат дека младината е социјално изолирана, но ова истражување го посочува ризикот од појава на депресија во случаи кога другарствата се базираат на рутински другарски разговори.