Според студијата на Универзитетот во Бритиш Колумбија, луѓето се склони поточно да ги идентификуваат карактеристиките на луѓето кои се физички поатрактивни од другите.

Додека претходното истражување покажа дека луѓето имаат тенденција да ги гледаат атрактивните луѓе како поинтелигентни, подружељубиви и покомпетентни од останатите, студијата, објавена во списанието Psychological Science, потврдува дека луѓето обрнуваат поголемо внимание на оние кои ги забележуваат како поатрактивни. Професорот Џереми Бјешанц од оделот за психологија на УБК, докторантот Лорен Хјумен и дипломецот Џеневиев Лоренцо почнаа да утврдуваат дали индивидуалната привлечност има влијание врз способноста на другите луѓе за точно одредување на нивната личност.

Околу 75 машки и женски учесници беа поделени во групи од 5-11 луѓе за три минутни еден на еден разговори. Учесниците ја проценуваа физичката привлечност на партнерите после секоја интеракција, како и петте основни карактеристики на личноста:

• отвореност
• совесност
• ектравертност
• толерантност
• невротичност

Учесниците ги проценуваа и своите личности.

Џереми Бјешанц вели дека истражувачите беа способни да ја одредат прецизноста на перцепциите на луѓето преку споредување на меѓусебните проценки за карактеристиките на луѓето со начинот на проценување на сопствените карактеристики. Тој додаде дека беа превземени чекори на контрола поради склоноста за позитивна самопроцена. Не е изненадувачки податокот дека учесниците покажаа глобална склоност за позитивна процена на луѓето кои ги сметаа за привлечни, но исто така го идентификуваа “поврзаниот редослед” на карактеристиките на личноста кај атрактивните учесници многу поточно отколу кај другите. Учесниците претежно се согласуваа за ‘привлечноста’, но и тогаш кога не се согласуваа беа најдобри во идентификување на личностите на луѓето кои самите се сметаа за атрактивни.

Според Џереми Бјешанц:

“Доколку луѓето сметаат дека Џејн е убава, организирана и на некој начин великодушна, тогаш ќе ја гледаат како поорганизиран и повеликодушна отколку што навистина е. Покрај оваа пристрасност, нашето истражување покажува дека луѓето исто така точно ќе го одредат релативниот распоред на карактеристиките на личност на Џејн - дека е поорганизирана отколку великодушна - подобро од другите кои ги сметаат за понеатрактивни.”

Луѓето обрнуваат поголемо внимание на убавите луѓе од повеќе причини, вклучувајќи љубопитност, романтичен интерес или желба за пријателство или социјален статус, според истражувачите. Констатирајќи дека студијата се фокусира на првата импресија на личноста во социјални ситуации, како коктел забави, Џереми Бјешанц вели:

“Не само што им судиме на книгите според кориците, туку ги читаме оние чии корици се убави со поголемо внимание отколку другите.”