Социјалните и економските промени во западните земји се повеќе ги ставаат мажите на ризик да станат депресивни, велат научниците.

„Мажите од западот, особено тие со пониско ниво на образование, ќе се соочат со тешкотии во дваесет и првиот век.“ – пишуваат авторите на Британскиот журнал за психијатрија. „Гледано во просек потешко е за мажите да се навикнат на улогата на домаќини отколку на жените да се навикнат на улогата на работници.“

Моментално, жените имаат двојно поголем ризик за заболување од депресија, иако сеуште не е воочено зошто тоа е така.

Збирот на трендови што ја менува оваа појава, велат научниците, се се помалкуте работни места за мажите кои не можат да земаат повисоки плати од нивните партнерки. Со намалувањето на изборот за работни места, мажите  почнуваат да размислуваат дека треба да почнат да се грижат за домот – улога која секогаш била поврзувана со жените. Последната економска криза им нанесе особено тежок удар на машката индустрија, како на пример во градежништвото и производството. Во меѓувреме, жените ги надминуваат мажите со завршување средно образование и факултет и притоа добиваат работа која носи повисоки приходи.

Неуспехот кај мажите да ја добијат улогата на главен донатор на пари во семејството се поврзува со подлабока депресија и проблеми во бракот, меѓутоа, ако општествените очекувања се променат, можеби мажите не би трпеле толкав стрес, велат истражувачите Боуди Данлоп и Тања Млецко од Универзитетот за медицина во Емори.

Ако мажите уште од почетокот се навикнат да се грижат за малите деца и да го одржуваат домаќинството, тогаш ваквата работа само им ја намалува самопочитта и им ја зголемува депресијата. Од друга страна, ако жените го прават ова само затоа што се жени и знаат како треба да се прават тие работи, преку социјализација, можат да им помогнат на мажите и да ги навикнат на ваквата работа и да преминат преку притисокот.

И покрај ова, „Мажите во ваквата економија која постојано се менува сепак ќе се соочуваат со ризикот да страдаат од депресија која жените ја чувтсвуваат во понатамошниот живот, затоа што ќе се чувствуваат заробени во улогата на домаќини од која не можат да избегаат бидејќи нема да можат да најдат работа со која ќе заработат пари.“ – велат истражувачите.