Како се однесува вашиот најдобар пријател во разни ситуации? Според едно ново истражување, ако не ги знаете овие одговори – можеби врската меѓу вас е разнишана.

Постојат многу начини да го научите карактерот на луѓето. Можете да кажете “таа е многу дружељубива” или “таа речиси секогаш е насмеана”. Исто така, можете да знаете како вашите пријатели би се однесувале во одредени ситуации и како би реагирале на однесувањето на другите. „Ова е еден детален начин на разбирањето на карактерот,“ – вели Черити А. Фрисен. „Можете и да знаете дека една личност е екстровертна кога е излезена со пријателите но поповлечена кога се наоѓа меѓу непознати луѓе.“ Како една личност се однесува во одредени ситуации? Фрисен ова го нарекува “ако-тогаш профил” на личноста.

За ова истражување волонтираа студенти. Секој студент со себе носеше свој пријател. Потоа, секој од испитаниците пополнуваа анкета. Одговараа на прашања за однесувањата кои тие ги сметаат за напорни. Еден пример беше зборот “скептицизам” – кога некој премногу не верува во некој податок што ќе го слушне, кога постојано ги преиспитува работите што се општо прифатени такви какви што се, или кога ваквите лица се тешки за убедување. На листата ги имаше и зборовите “наивност”, “социјална повлеченост”, “социјална храброст”, “перфекционизам”, “заборавеност” и уште неколку други. За секој вид на однесување, секој одговараше како тоа однесување влијае врз нив и врз нивниот пријател.

Некои од испитаниците точно знаеја како би се однесувале нивните пријатели, други немаа поим. И тука се покажа разликата во пријателската врска. Луѓето кои знаеја како би се однесувале нивните пријатели имаа поблиски врски со нив, имале помалку расправии и помалку фрустрации во целото пријателство. „Ако сум блиска со некого, навистина можам да го замислам нивниот “ако-тогаш профил” , а со тоа ќе си го потврдам моето пријателство,“ – вели Фрисен.