Според една анкета, последиците од економската криза може да бидат значајна закана за психичкото здравје.

Одземањето на куќата беше рангирано како настан кој најверојатно предизвикува проблеми во психичкото здравје, пред технолошки вишок или откривањето на неплодност.
Добротворна организација “Преиспитување” повика на акција за спречување на “катастрофа на менталното здравје.”
Анкетата беше објавена како извештај на ОН покажа дека Англија троши поголем дел од здравствениот буџет за грижа за психичко здравје отколку било која европска држава.
Директорот за јавни односи на “Преиспитување” Пол Кори вели: “Јас не би бил изненаден доколку забележиме раст на бројот на луѓе кои го посетуваат својот доктор поради проблеми во психичкото здравје во наредните месеци.”

“Дури и луѓето кои се доволно среќни да го задржат својот дом, стресот и грижата за растењето на долговите може да биде доволно за да му наштети на вашето психичко џдравје - оваа анкета покажува дека тоа загрижува милиони луѓе.”
Тој вели дека луѓето кои веќе имале психички проблеми имаат поголема веројатност да бидат третирани полошо од страна на нивните кредитори и немаат “заштитна мрежа” за да ги заштити.
Тој вели: “Постои итна потреба да се направи нешто за да се спречи катастрофата на психичкото здравје.”
Друга добротворна организација за психичко здравје се согласува со таа процена и подигнува иницијатива вредна 16 милиони фунти за развивање на вежби за подобро ментално здравје и за намалување на стигмата го објави својот извештај на почетокот на годината во кој предупредува за опасностите на долговите.

Високо рангирање
Анкетата од 2000 луѓе беше објавена за одбележување на Светскиот ден на здравјето.
Извештајот на Светската здравствена организација содржеше далеку повесела порака за услугите кои имаат за цел да се борат со психичките здравствени проблеми во Велика Британија.
Споредувајќи потрошувачката за психичко здравје во европските држави се откри дека Англија и Велс трошат 13,8% од својот здравствен буџет на психичко здравје - највисоко ниво во Европа.
Според извештајот, Шкотска трошела 9,9%, а во Велика Британија во целина, бројот на психијатри на 100 000 луѓе беше под европскиот просек.
Секретарот за здравство Алан Џонсон вели дека беше “воодушевен” од извештајот, потенцирајќи голем напредок во инвестициите како причина за сегашната позиција на Велика Британија и вели дека фокусот сега е врз тимовите засновани во заедницата за лекување на пациентите.
“Опасниот концепт за азилот е завршено, но нашата посветеност за понатамошно подобрување на услугите не е намален,” вели тој.

Сепак, извештајот во British Medical Journal укажа дека во последните 10 години користењето на стационирани психички болници се зголеми, а не се намали.
Д-р Патрик Кион, психијатар од Њукасл, пресмета дека бројот на пациенти “секторирани” под Актот за психичко здравје се зголеми за една петтина помеѓу 1996 и 2006 година.
Истовремено, бројот на психијатриски кревети во Англија се намали.
Портпаролот на организацијата Сејн вели: “Подобрувањата во грижата за заедницата веројатно ќе ја намалат потребата за задолжителен прием кога некој ја достигнува критичната точка - сепак се чини дека се сличува токму спротивното.
“Ние треба итно да дознаеме зошто тоа се случува.”