Предшколците кои се агресивни, лути и невнимателни имаат тенденција да имаат помалку пријатели за разлика од нивните неагресивни соученици, без разлика на полот.

За споредба, неагресивните деца се снаоѓаат подобро во интеракциите со многу врсници во текот на времето.
Тоа се наодите на ново истражување кое користеше важна иновација за истражување на детските меѓусебни врски. Спроведена од истражувачи од Аризона Стејт Универзитетот, студијата укажува дека на предшколска возраст, агресивните деца имаат понеконзистентни врски со своите врсници.
Предшколската возраст е период на многу промени во начинот на кој децата стапуваат во интеракција со врсниците.

Иако агресивното однесување е често на оваа возраст, додека децата практикуваат социјални вештини и учат како да го контролираат своето однесување, некои деца покажуваат поинтензивна агресија или ја искажуваат почесто. Овие деца може да им наштетат на останатите, брзо да се налутат и имаат потешкотии при фокусирањето на активностите. Бидејќи овие деца се ризична група за подоцнежните социјални и развојни проблеми, истражувачите чувствуваат дека е важно да се разберат нивните рани врски со врсниците.

Истражувачите од Аризона Стејт Универзитетот набљудуваа 97 ученици во шест предучилишни класови во урбана област во југозападен САД; наставниците исто така дадоа изјави за однесувањето на нивните ученици. Користејќи квантитативна процедувара наречена Q-метод на поврзаност, тие постојано ја оценуваа интеракцијата на децата со врсниците за да одредат со колку од врсниците тие деца биле во интеракција и колку често се случуваа тие интеракции. Користејќи ја таа информација, тие ја разгледаа врската помеѓу способноста на децата да воспостават и да одржат врски со врсниците и нивната тенденцијата да искажуваат агресија, бес и проблеми со вниманието.

Агресивните, лутите и невнимателните деца имаа тенденција постојано да си играат со помалку врсници отколку нивните неагресивни соученици, кои беа поуспешни во честата интеракција со многу соученици истовремено. Овој образец важи и за помалите деца, што не треба да изненадува со оглед на типичниот социјален развој на малите деца, кои се склони да се движат од осамена игра кон зголемено дружење со соучениците. Овие наоди беа исти и за момчињата и за девојките.