Со години наназад, психолозите се трудат да сфатат како луѓето се однесуваат и како размислуваат. Истражувањата ви покажуваат како да се справите со драмите на другите луѓе без да се вклучите и вие во нив.

Социјалните интеракции се како танц за двајца, тројца а понекогаш и повеќе луѓе истовремено. Секогаш кога луѓето започнуваат разговор, постои шанса за погрешен чекор, повредување нечии чувства и предизвикување бес. Но, исто така, постои можност за развивање на врска на меѓусебно разбирање помеѓу лицата. Оваа кршлива рамнотежа многу тешко се одржува ако сакате да останете со сопствениот став додека ги слушате другите.

Прво дејствувајте, потоа размислувајте

Додека ги анализирал однесувањата на луѓето и нивните влијание, психологот Дарил Бем си створил сопствена теорија. Наместо да се однесува според основите на однесувањата и ставовите на луѓето, неговото истражување покажува дека луѓето многу често прво дејствуваат а потоа размислуваат за постапките. Притоа, лицето почнува да го рационализира сопственото однесување исто како да е трет учесник во целата ситуација, односно како да е набљудувач.

При спроведувањето на оваа теорија во социјалните ситуации, повеќето од луѓето реагираат на надворешна стимулација и се однесуваат сосема спротивно на нивното вистинско "јас". Ова објаснува зошто повеќето луѓе се однесуваат различно кога се надвор од нивната сигурна зона и се опкружени со непознати гласови.

Не е до вас

Ваквото размислување може да натера некого да се чувствува беспомошен кога станува збор за справување со социјални ситуации. Како и да е, може да се утешите и со фактот дека секој останат во собата, освен нарцисот, се чувствува исто како вас. Доктор Рик Хенсон смета дека голем број луѓе се обвиткани во сопствените животни драми и нивното однесување не треба да се сфаќа премногу буквално. Постојат многу фактори кои можат да влијаат врз однесувањето на едно лице.

Ослободете се од себеси

Вака може да се опуштиме и да сфатиме дека повеќето луѓе се толку зафатени со тоа да најдат смисла во сопствените постапки што немаат време да го забележат однесувањето на другите. Да знаете дека често, во очите на другите вие изгледате како да сте изгубени, може само да ве ослободи. Иако можеби оваа постапка е себична, клучен дел на ова однесување е да го гледате светот преку очите на другите. Хенсон советува дека луѓето стануваат посилни ако споделуваат со другите, па макар и по цена да бидат повредени.

Следниот пат кога ќе се најдете во социјална ситуација и ќе почнете да анализирате што правите и зошто, земете воздух и слушајте што имаат да ви кажат другите. Кога ќе се ослободите и ќе се опуштите, разговорот ќе тече полесно.