Дали вашиот сопруг ви помага околу децата и домашните обврски? Не? Еве каква е ситуацијата во останатиот дел од светот.

Во нова студија презентирана на годишната конференција на "Современи Семејства"  докторите Ориел Саливен и Скот Колтрејн велат дека претходната литература која ја обработува проблематиката на придонесот на мажите во домот оперираше со "наивна" претпоставка дека на припадниците на посилниот пол ќе им требаат помалку од 40 години да научат да си ги собираат чорапите и да се грижат за децата како што тоа го прават нивните сопруги.

Саливен и Колтрејн решија да проверат дали воопшто нешто се изменило во однос на старите студии. Нивните анализи покажаа дека придонесот на мажите во домот и одгледувањето на децата се зголемил од 15 на 30%. Претворено во домашни обврски и задачи, тоа значи дека тие "работат" два часа помалку од нивните мајки во 1965 година. Не е спомнато дали овие 30% се однесуваат на денови, недели или месеци.

Охрабрувачки е тоа што во периодот помеѓу 1965 и 2003 година мажите го го зголемија за три пати времето кое го поминуваат со нивните деца. "Денес татковците во домаќинства со двајца родители поминуваат повеќе време со децата отколку што е забележано во целата досегашна историја на собирање податоци во врска со оваа проблематика." Да биде уште подобро, ова прераснува во меѓународен тренд кој не е присутен само во САД, туку во уште дваесеттина индустријализирани земји.

Овие наоди не се битни само за младите парови и нивните нови радикални гледишта во врска со еднаквоста во бракот. Истражувачите соопштија дека колку подолго мајката е вработена, толку повеќе таткото придонесува во домашните обврски и околу децата.