Ви изгледа ли како семејните оброци секогаш да се конзумираат “на трчање.” ...

Семејниот ручек може да ви изгледа како луксуз кој не можете да си го дозволите поради густиот семеен распоред. Родителите и децата имаат други обврски или нивните распореди не се синхронизирани за да може да си дозволат семеен ручек.
Јадењето со брзање го зголемува ризикот за дебелина во детството и развивање на слаби навики на исхрана и може да доведе до развој на пореметување на исхраната. Во клиничката пракса со булимичните пациенти често се среќава долга историја на хаотична исхрана. Тие може да каснат ужинка или да земат нешто од автоматите за храна, да јадат од стоење или во нивната кола, брза храна, но недостасуваат семејни оброци.

Дополнителна добивка од заедничките оброци е можноста да се зближите со вашите деца и да дознаете што им се случува во животот. Само осигурајте се дека не ги користите оброците за да им префрлувате на децата за слабите оцени, неуспехот да ги исполнат задолженијата или за други непосакувани теми. Уживајте во оброкот со децата. Можете да разговарате за проблемите во друго време.
Со оглед на големата здравствена и психолошка цена на дебелината во детството и можноста за зголемување на комуникација со вашите деца, би било вредно да се направат неопходните промени за да се обезбедат неколку семејни оброци секоја недела. Иако е непријатно и бара промени во распоредот и откажување на одредени активности, придобивките ќе искомпензираат повеќе за ова нарушување.

Може да почувствувате дека е бесмислено да ручате заедно. Многу родители се обиделе да започнат разговор, но се жалат дека нивните деца не сакаат да зборуваат. Не треба да се обесхрабрувате доколку разговорот звучи слично на ова:
Родител: “Како беше на училиште?”
Дете: “Добро.”
Родител: “Што правевте на часовите?”
Дете: “Ништо.”

Наместо тоа, може да ја започнете конверзацијата со отворени прашања. Дури и да добиете површен одговор, како “во ред” или “добро” или невербало мрморење, вашето дете барем ќе знае дека покажувате интерес. Доколку овој шаблон се повторува, може да разговарате со брачниот другар за тема која би можела да го интересира вашето дете. На пример, може да зборувате за спорт, филмови, музика па дури и политика. Осигурајте се дека разговорот е позитивен, а не прекритичен. Во одреден момент од разговорот повремено може да го запрашате детето што мисли.

Започнете со целта за воспоставување на семејна рутина на оброци барем една или две вечери неделно. Разгледајте ги семејните распореди за да видите кои денови имаат најмалку обврски. Дури и да не постои перфектно решение, направете разлика меѓу суштински и изборни активности. Запрашајте се, во светлото на здравствените и психолошките последици на детската дебелина и пореметувањата во исхраната, која од тековните активности на вашето семејство е посуштински од семејниот оброк? Кога ќе размислите, ќе дознаете дека многу малку активности се поважни од промовирањето на здрави навики на исхрана и подобрување на комуникацијата со вашите деца. Добар апетит!