Можеби ќе ги излажете еднаш, но ако се обидете повторно, нема да ви успее. Бебињата знаат кој ги лаже а кој не!

Бебињата го репродуцираат тоа што го гледаат и слушаат, но одбиваат да ги имитираат лицата кои ги сметаат за помалку доверливи, покажуваат резултатите од едно истражувањето спроведено на Универзитетот „Конкордија“ од Монтреал.

Во текот на истражувањето е утврдено дека бебињата се многу поспособни да ја разликува вистината од лагата, отколку што тоа досега се претпоставуваше.

Истражувањето е направено со 60 новороденчиња на возраст од 13 до 16 месеци, кои биле соочени со возрасни „проценители“ кои гледале во одредена кутија и изразувале задоволство.

Потоа кутиите им биле давани на децата за да можат да проверат дали тие содржат некоја играчка или не и да ја проверат доверливоста на другото лице со кое се во двојка.

Во втората задача возрасните партнери го притискале прекинувачот со чело за да го запалат светлото, при што било утврдено дека бебињата во 61 отсто случаи ја имитирале постапката на лицата кои не ги излажале, односно им подале кутија со играчка. Во случаите пак каде бебињата биле излажани, односно добиле празна кутија, постапката со палење на светлото била имитирана само во 34 отсто случаи.