Дали секој може да ве зарази со проѕевање?

Едно ново истражување вели дека проѕевањето откако некој друг ќе се проѕевне може да биде знак за социјална емпатија и емоционална врска помеѓу припадници на фамилијата и пријателите.Истражувачите откриле дека веројатноста да одговорите со проѕевање на проѕевањето е поголема доколку другата личност и припаѓа на вашата фамилија или ви е пријател. Заразното проѕевање е со најмала веројатност помеѓу непознати.

Зошто проѕевањата се заразни

Во студијата, истражувачите ги разгледувале факторите кои биле поврзани со заразното проѕевање помеѓу 109 возрасни лица од 4 различни континенти кои биле набљудувани во нивното природно опкружување. Помеѓу секое посматрање во траење од неколку часа, истражувачите прибележувале случувања  кога  некој ќе се проѕевал и дали некој што го видел тоа проѕевање ќе одговорел со проѕевање во  рок од 3 минути.

Резултатите покажале дека социјалните врски биле посилни од социјалните ситуации како и националните разлики во објаснувањето зошто проѕевањето е заразно. Веројатноста да се сподели заразно проѕевање била најголема кај членовите на иста фамилија, потоа кај пријателите и познаниците. Луѓето најмалку биле „заразени“ од проѕевањето на непознати лица.

Според истражувачите феноменот на заразно проѕевање може да се објасни преку човечката биологија. Тие велат дека, гледањето како некој друг се проѕева активира една сложена мрежа на мозочни региони поврзани со движењето, имитацијата, социјалното однесување и емпатијата. Мозочната мрежа на оној кој што го гледа проѕевањето на некој кој му е важен може да биде надстимулирана и да води кон одговор со проѕевање.