Дали ви се случило да ве заболи игнорирањето на другите, па макар и на случајните минувачи?

Едно ново истражување покажува дека ако сте игнорирани, дури и од непознати, тоа ќе ве направи да се чувствувате нелагодно и неврзано.

За психолозите веќе одамна не е тајна дека луѓето за да се почувствуваат среќни, имаат потреба да бидат поврзани со други луѓе. Но Др. Ерик Веселман од Пердју Универзитетот посакал да знае колку точно на луѓето име е потребно за да се почувствуваат поврзани. Идејата за ова ја добил откако добивал бројни изјави од луѓе на кои им пречело понекогаш кога дури и непознат човек нема да им обрне внимание.

Експериментот се случувал во кампусот на Пердју Универзитетот и го изведувале неколку асистенти на Веселман. Еден од нив се движел по патека по која обично има гужва, го одбирал „својот" субјект и или го погледнувал во очи, го погледнувал и се насмевнувал, или пак гледал во правец на неговите очи но со поглед кој ги одбегнува – „гледајќи во некого како да се направени од воздух", појаснува Васелман.

Кога асистентот ќе поминел покрај некоја личност, тој или таа му давал знак на друг асистент да го запре субјектот и да го праша едно прашање. Тоа прашање гласело: „Во последнава минута, колку се чувствувате неповрзано со другите луѓе?".

Луѓето кои добиле поглед, со или без придружната насмевка, се чувствувале помалку неповрзано со другите луѓе отколку оние кои биле гледани со поглед како да не постојат.

„Ова се луѓе кои не ги познавате, едноставно проаѓаат покрај вас, а сепак нивниот поглед или пак гледањето низ вас како да сте воздух, изгледа има ефект, барем за некое време" – вели Веселман.

Други истражувања покажале дека игнорирањето дури и од групи со кои не сакате да си имате работа, како на пример некоја банда, може да предизвика чувство на запоставеност кај луѓето, така што не е изненадувачки што ако намерно сте игнорирани од некого се појавува истиот ефект.

Според Веселман, „она што е најинтересно, и што се наметнува како заклучок од ова истражување, е истакнувањето на моќта на човечката социјална поврзаност, која очигледно е многу силен феномен."