Се прашувате ли зошто луѓето изневеруваат? Иако звучи парадоксално, причината е страв од поврзување со партнерот или партнерката. Да, токму поради тоа изневеруваат и мажите и жените!

“Веројатноста дека некој ќе изневерува додека е во врска варира помеѓу 40 и 76%. Тоа е навистина висок процент“, вели Женевјев Бјулие - Пелетјер, докторант на Одделот за Психологија на Унивезитетот во Монтреал.

“Овие бројки укажуваат на тоа дека дури и да стапиме во брак со најдобри намери, работите не се одвиваат онака како што планираме. Она што ме интересира во врска со неверството е зошто луѓето се однесуваат на начин кој може да биде штетен и за нив, и за нивната врска.“

Женевјев сакаше да знае дали дали типот на однесување кој што го има една личност со своите сакани е во корелација со желбата за вонбрачни афери.“ Емоционалната приврзаност која ја имаме со другите е базирана  врз снова на тоа како се однесувале родителите со нас во детството“, вели таа.

Според психолозите, луѓето кои избегнуваат да се приврзат не се склони кон интимност и според тоа се со поголеми шанси да  имаат многубројни љубовни средби и  да изневеруваат. Но ова никогаш не беше научно потврдено, а токму тоа Пелетјер посака да го направи во серија од 4 истражувања.

Првото истражување се спроведе на 145 студенти на просечна возраст од 23 години. Од нив 68% размислувале за неверство, а 41% изневеруваат. Ако се остави настрана сексуалното задоволство, резултатите покажаа силна поврзаност меѓу неверството и луѓето кои  не се склони кон приврзување.

Второто истражување  беше спроведено на 270  лица на просечна возраст од 27 години. Околу 54% помислувале на неверство, а 39% и  навистина  изневеруваат. Но и тука корелацијата е иста: Оние кои не сакаат интимност е поверојатно дека ќе го изневерат партнерот.

“Неверството би можело да биде регулирачка емоционална стратегија која ја користат луѓето кои избегнуваат да се приврзат. Чинот на изневерување им помага да ја избегнат фобијата од врзување, ги дистанцира од партнерот, и им помага да го зачуваат својот простор и слобода.“

По овие две истражувања следеа уште две кои беа сконцентрирани на мотивите за неверство. Најважната и најчеста причина  наведена од испитаниците беше желбата да се дистанцираат од партнерот и од обврските во врската.

Во однос на половите, по ова прашање нема никаква разлика меѓу мажите и жените. И едните и другите избегнуваат обврски и се подеднакво склони кон изневерување. “Спротивно на она што обично се мисли, неверството не преовладува повеќе кај мажите“, изјави Женевјев.