Ново истражување тврди дека мажот претендира да избере девојка која физички личи на неговата мајка, а девојката ќе избере момче кое наликува на нејзиниот татко.

Истражувачите открија нешто, вели Ренди Торнхил, еволутивен психолог од Универзитетот во Њу Мексико: “Тоа е повеќе од обична случајност”.

Наодите датираат уште од истражувањата со гуски во 1930-тите години. Етологистот Конрад Лоренц откри дека откако ги израснал птиците тие го следеле како да им е мајка. Можел дури и да ги убеди гуските дека нивната мајка е топка, доколку топката го “предводи” јатото од мали птици неколку дена после испилувањето. Потоа се откри дека овој начин на однесување (наречен “втиснување”) е поврзан со изборот на партнер. На пример, машките јагниња кои биле одгледани од кози, растат како овнови кои се борат за да ги придобијат симпатиите на козите, а не на овците.

“Втиснувањето” изгледа постои и кај луѓето. Истражувањата покажуваат дека мажите и жените кои биле родени од постари родители, за поатрактивни ги сметаат постарите лица, како и дека жените ги фаворизираат фотографиите од мажи чии лица потсеќаат на оние на нивните татковци. Исто така, луѓето процениле дека сликите на мажите и нивните тестови изгледаат слично, што уште повеќе укажува дека жените се мажат за човек кој личи на нивните татковци.

Со надеж дека ќе го квантификува овој ефект и кај мажите и кај жените, Томас Берецки, еволутивен психолог од Универзитетот од Печ во Унгарија, измерил 14 фацијални пропорции, како што се пополнетост на усните, должина на носот и ширина на вилицата, кај 312 луѓе од 52 унгарски семејства. Тимот открил дека мажите и татковците на нивните партнерки личеле еден на друг повеќе отколку со било кој друг во истражувањето: мажите имале значајна корелација за седум области на лицето, особено за карактеристиките околу очите и носот. Жените и мајките на нивните партнери исто така личеле една на друга, со значајна корелација за пет од фацијалните карактеристики, особено околу вилицата.

Берецки вели дека резултатите, објавени во Proceedings of the Royal Society B, укажуваат на тоа дека луѓето веројатно не се потпираат на блискоста како знак за избор на партнер, бидејќи изгледа дека како модел за идеален брачен другар ги користат само родителите од спротивниот пол.

Користејќи ги мама или тато како водич за спарување, може да биде еволутивно осигурување со кое се оневозможува спарување со погрешните видови, можен атавизам од времето кога повеќе хоминиди живееле заедно, вели Лиза ДеБруин, еволутивен психолог од Универзитетот во Абердин. Или, според неа, тоа може да биде начин да се избалансираат придобивките од пронаоѓањето на сличен партнер, кој би ги делел корисните гени со вас, наспроти замките на инцестот.

Богуслав Павловски, антрополог во Универзитетот од Вроцлав во Полска, вели дека се уште не е јасно каква улога игра “втиснувањето” во однос на останатите фактори кои влијаат врз изборот на партнер. На пример, луѓето често ги сметаат одредени за симетричните лица и тела атрактивни бидејќи сметаат дека истите се одраз на добро здравје, тврди тој. Па, што би направила девојка која има несиметрчен татко: Дали влијанието на “втиснувањето” ќе ја надмине нејзината желба за сексипилен, симетричен маж? Тоа е добра тема за истражување во иднина, вели Берецки.