Раскинувањето  може да биде подеднакво болно како и смртта на најдрагиот пријател.

Крајот на љубовната врска или бракот може луѓето да ги доведе до многу интезивен очај или депресија, а италијанските психолози објаснуваат дека прекинот на врската во нас предизвикува чувство подеднакво исто како она кога ќе изгубиме некој близок пријател.

Тие проценуваат дека ни се потребни околу шест месеци за да го надминеме чувството на тага и ни даваат неколку совети како да "излеземе на крај" со страдањето.

Пред се, треба да се соочиме со фактот и да имаме доволно сила да ја прифатиме реалноста онаква каква што е.

Периодот на жалост и тага подобро ќе го поднесеме ако во него најдеме некоја друга смисла, а вториот чекор би требало да биде согледување на ситуацијата од сосема поинаков агол.

На пример, размислете на позитивните страни кај враќањето меѓу слободните.

Експертите проценуваат дека прекинот на врската престанува да боли толку многу дури по шест месеци, колку што е потребно да се излечи повредената гордост и да се надминат брановите на нерасположеност.

Тогаш кога ќе почнете да се радувате на новиот ден, знајте дека сте на добар пат да ја преболите изгубената љубов.

Исто така, се советува барем во првиот период да не бидете во близина на поранешниот партнер или партнерка, затоа што можните караници, двосмислените пораки или недоразбирањата би можеле да го загрозат процесот на заздравување.

Постои и ризик да ја обновите врската која ви донела толку многу болка, која најверојатно ќе се урне по првата караница и потоа повторно ќе морате да поминувате низ фазите на лечење на "скршеното срце".