Не се само девојчињата подложни на сексуално злоставување – тоа им се случува и на момчињата во летни кампови.

Во автобиографијата која наскоро треба да биде објавена, сенаторот Скот Браун открива дека како дете доживеал нешто што е најголем кошмар за родителите: бил сексуално злоупотребуван од машки советник во кампот кога имал 10 години.

Во книгата “Against All Odds”, Браун пишува дека злоупотребувањето се случило кога отишол во амбулантата на религиозниот летен камп на Кејп Код. Вели дека не им кажал на родителите за злоупотребата, но инсистираше на тоа дека не сакал да оди на кампот. Сепак, повторно се врати наредното лето - заедно со советникот кого Браун се обиде да го избегне.

Американските Центри за контрола и превенција за болести проценуваат дека 1 од 6 момчиња и 1 од 4 девојки се сексуално злоупотребувани пред да наполнат 18 години и тоа, секако, може да се случи насекаде од училиште до црква, летен камп или дома.

“Се случува сите општествени нивоа, но родителите не треба да им ги скратуваат на своите деца искуствата како летен камп само затоа што се загрижени за можноста од злоупотреба,” вели Џонатан Славин, инструктор за психологија на Медицинското училиште на Харвард, кој има ординација за приватна терапија во Бостон.

Родителите би требало да зборуваат со своите деца за непосакуваното однесување на возрасните, вели тој, долго пред да бидат испратени на вакви кампови, кои може да бидат доволно вознемирувачки. Јас вообичаено ги потсетувам моите деца кој, што и како може да допира без разлика дали одат на доктор на редовен преглед.

Славин го поздравува Браун за неговиот храбар потег. “Она што тој го направи е чиста храброст, херојска услуга за илјадници луѓе.” Момците, додава тој, често потешко ги споделуваат непосакуваните сексуални допири со родителите, отколку девојките. Се плашат дека нема да им веруваат.

Имав пациенти кои беа злоупотребени и доволно самоуверени да им кажат на своите родители кои им веруваа и реагираа заштитнички,” вели Славин. “Toa e далеку поздраво отколку кога го задржуваат скриено во себе.”

Злоупотребата не се манифестира со очигледни знаци кај детето, додава тој, но многу деца може да покажуваат знаци со ненадејно повлекување, недостапност или емоционална одсутност во семејните односи.

Родителите кои ги забележуваат овие знаци кај своите деца треба да се обидат внимателно да ја започнат темата, прашувајќи дали има нешто од што се плаши детето или дали сака за тоа да разговара со советник во училиштето.