Луѓето кои се неверни кон нивните партнери можеби се генетски предодредени за тоа.

Одредени гени поврзани со однесувањето за барање на сензации беа идентификувани од страна на истражувачите од државниот Универзитет на Њу Јорк во Бингхамтон. Нивните наоди беа објавени во научното списание PLoS ONE. Очигледно, постои одреден ген рецептор на допамин - DRD4 - кој е поврзан со неверството и авантурите за една вечер.

Авторите објаснуваат дека сексуалното однесување на луѓето значително варира, не само помеѓу различни популации, туку и помеѓу нив самите. Иако еволуционата теорија е вкоренета во сексуалното однесување и сексуалните карактеристики, научниците не знаат многу за тоа како гените влијаат на индивидуалните разлики врз нашето сексуално однесување.

Џастин Гарсија и тимот се подготвија да откријат дали DRD4 може да влијае врз мотивацијата (компулсијата) зад некои сексуални однесувања, како неверството и промискуитетот.

181 млади возрасни беа интервјуирани во поглед на нивните врски и сексуално однесување. Беа земани и примероци за ДНК тестирање.

77% од интервјуираните рекоа дека имаа историја на сексуални односи.

Истражувачите открија дека 50% од лицата со 7R+ - генетска варијација на DRD4 - беа неверни, за разлика од 22% кои немаа 7R+.

Влијанието на 7R+ на неверството и/или промискуитетноста како мажите и жените беше речиси исто.

Гарсија вели:

“Откривме дека индивидуите со одредена варијација на DRD4 генот имаа поголема веројатност да имаат историја на неопределен секс, вклучувајќи едноноќни авантури и актови на неверство.

Мотивацијата веројатно потекнува од системот на задоволство и награда, односно ослободувањето на допаминот. Во случаите на неопределен секс, ризиците се високи, наградите високи, а мотивацијата променлива - сите елементи кои обезбедуваат наплив на допамин.”

Истражувачите истакнаа дека се потребни понатамошни и поголеми студии за потврдување на овие наоди. Во овој момент е невозможно да се потврди причинско-последичната врска помеѓу сексуалното однесување и генетските карактеристики. Сепак, генетиката игра улога во тоа како се однесуваме и во одлуките кои ги носиме во животот.

Врските се асоцијативни, истакнуваат научниците. Со други зборови, некои луѓе се генетска варијација нема да бидат неверни или промискуитетни, а некои луѓе без варијацијата ќе бидат.

Бидејќи врската е асоцијативна, “Студијата не ги ослободува престапниците од вината,” додаде Гарсија.

Затоа можеби е рано да се обвинуваат само поради еден ген.

Истата генетска варијација е поврзана со зависноста од коцкање, алкохолизмот и љубовта кон хорор филмовите.