Дел од она според кое се покажува колку сте успешни на Вашите љубовни состаноци е чувството на проценување дали сте им привлечни на другите луѓе. Едно ново истражување кое беше објавено во магазин за психологија, открива дека одредени карактерни особини придонесуваат за тоа да станете добар судија за тоа дали вашиот потенцијален партнер размислува повторно да се сретне со Вас.

Истражувањето е едно од низата истражувања направени во Британија пред 5 години. „Повеќето од претходните истражувања работеа според хипотеза, каде што луѓето пополнуваа анкета од типот „Какви луѓе би сакале да запознаете?" итн," – вели Митја Бек од Универзитетот Јохан Гутенберг во Мајнц. Проблемот лежи во тоа што луѓето го кажуваат дека го сакаат кај партнерот како што е искреноста, хуморот и други карактеристики и нема всушност никаква врска со тоа што тие навистина го сакаат, а тоа е привлечноста.

Во овој случај, интересот на Бек беше нешто друго: дали има нешто во карактерот што ги прави луѓето подобри при предвидувањето дали партнерот би сакал повторно да се сретнат? Во 17 групи, 190 мажи и 192 жени се сретнаа со луѓе од спротивен пол и започнаа да се состануваат, а во меѓувреме, психолозите присобирале податоци. Меѓу податоците имало информации за најбитното прашање после секој триминутен состанок: дали сакаат повторно да се сретнат со потенцијалниот партнер? Исто така, испитаниците биле прашани дали мислат дека партнерот би сакал да ги види повторно.

Во целина, луѓето лошо се покажуваат при проценката за тоа дали другите луѓе би сакале повторно да ги видат. Некои беа сосема далеку од вистинскиот одговор. Некои од нив беа добри. Успехот беше поврзан со одредени карактерни особини кои се стереотипи за половите: мажите со промискуитетна ориентација се покажале добрипри проценката дали нивните партнерки би сакале повторно да се видат со нив, а имало и жени кои имале добра претстава за тоа дали партнерите би се сретнале повторно со нив.

Бек смета дека мажите кои се склони кон случаен секс покажуваат однесување кое е типично за нивниот пол; ова понатаму може да предизвика и типично однесување кај жените со кои зборуваат, а со тоа може да се предвиде каква ќе е реакцијата и заинтересираноста кај жените. Жените кои полесно се согласуваат на предизвици, прават опуштена атмосфера за мажите кои сакаат да флертуваат, а со тоа повторно натаму ќе можат да ја предвидат реакцијата и заинтересираноста на мажите.

„Брзите состаноци се многу добар контекст од кој може да се учи многу за однесувањето на луѓето во такви ситуации," – вели Бек