Во една анкета направена врз 14 500 луѓе кои имаа барем мала религиозна позадина, едно истражување покажа дека откако ја напуштиле верата, им се подобрил сексот.

Дарел Реј, хрисијански фундаменталист од Топека, Кан, ги откри сексуалните гревови што ги направил откако се откажал од верата во доцните 1970ти, и сакаше да знае дали неговото искуство го имало и кај другите.

Денес, тој го заврши истражувањето што му ги разјасни сите хипотези – религијата и добриот секс не одат заедно. Во една анкета направена врз 14 500 луѓе кои имаа барем мала религиозна позадина, едно истражување покажа дека откако ја напуштиле верата, им се подобрил сексот.

Во неговата анкета наречена Сексот и секуларизацијата, Реј прави директна корелација помеѓу вината и сексуалното однесување. Не изненадува и тоа дека тој сфатил дека со текот на времето, вината ја снемува.

„Сите мислиме дека вината е многу лоша работа," – вели Реј, авторот на книгата Божјиот вирус: Како Бог ги инфицира нашите животи и култура.

Тој заклучи дека атеистите имаат најдобар секс. „Тие можат да зборуваат со авторитет затоа што биле израснати во секуларизирана околина," – вели тој.

Сите негови испитаници – кои имале над 18 години и со различна сексуална ориентација – ја напуштиле верата и се изјаснуваат како атеисти или без никакви религиозни верувања.

Откако ја напуштиле верата, повеќе од 50% имале подобрување во сексот, 19,6% немале никакви промени а 2,2 рекоа дека сексот им станал полош.

Оние кои израснале во најконзервативните цркви – конзервативни во однос на сексуалното воспитување и вината – покажаа највисоко ниво на сатисфакција откако ја оставиле религијата.

Сите луѓе кои биле дел од анкетата рекле дека имаат сличен број на сексуални односи во текот на неделата. Исто така, станале сексуално активни на приближно иста возраст.

Оние кои биле израснати како Мормонци со строги правила за сексот, покажаа дека чувствувале најголема вина, околу 8,9 од 10 луѓе. Другите кои исто размислувале биле од Јеховини сведоци, адвентисти и баптисти.

Од друга страна, католиците, чувствуваа вина приближно 6, 34, а Лутеранците 5, 88 на 10 луѓе. Атеистите најмалку чувствувале вина, 4,71 од 10 луѓе.

Луѓето кои ја напуштија верата рекоа дека нивниот сексуален живот "значително се зголемил".

Реј има 60 години и е независен истражувал кој работел како психолог за организација во многу фирми околу 30 години. Пред тоа, една деценија работел како клинички психолог.

„Со децении слушав дека луѓето сметаат дека сексот им се подобрува откако ќе ја остават верата – но никој тоа научно не го разгледа," – вели тој.

Тој, заедно со неговата асистентка од Универзитетот во Канзас, Аманда Браун, направија онлајн анкета со која добивале 2 500 одговори на час. Тој им правел анкета само на оние кои порано биле религиозни, а не на оние кои сеуште верувале.

Истражувачите од Канзас се загрижени за аспектите на анкетата

Испитаниците на Реј биле прилично образовани и богати луѓе. Тука биле вклучени и хетеросексуалци, хомосексуалци и измешани парови. Само во текот на првиот ден тој добил 2 500 одговори на интернет.

„Бев навистина изненаден," – вели тој. „Луѓето сакаа да ми ја кажат нивната животна приказна. Овде не се работи само за секс, туку и за чувства."

„Неговите резултати имаат смисла – зошто луѓето кои се религиозни имаат поголемо чувство на вина кога станува збор за сексот," – вели Тара Колинс, претседател на група на истражувачи од одделот за психологија на Универзитетот во Канзас, кои дадоа извештај откако Реј ги објави резултатите.

Колинс и останатите беа импресионирани, но исто така кажаа дека се загрижени за неговите изјави и го повикаа да направи некои измени. Таа вели: „Реј не изнесе никакви податоци за сатисфакцијата на луѓето кои сеуште се држат до верата."

Неговото истражување нема да биде објавено како научен труд во академска институција затоа што не е разгледано од други лица.

Меѓутоа, Марк Регнерус, професор по социологија на Универзитето во Тексас и автор на две книги на тема сексуално однесување во адолесценција и младост, вели дека Реј не користел научни методи.

„Станува збор за анкета која ја пополнувате ако сакате и не е случајна, не е национално репрезентативна и се базира на сопствена селекција," – вели тој. „Со други зборови, тие имаат податоци од луѓе кои сакале да ја пополнат анкетата за атеизмот и сексот. Јас воопшто не сум изненаден од ваквите податоци."

Регнерус, во неговата книга Забрането овошје, вели дека открил врска меѓу религиозноста и вината помеѓу тинејџерите кои никогаш немале сексуални односи. „Инаку, се' што од ова дознаваме е ерес и чиста претпоставка," – вели тој.

Тој исто така вели дека Реј не е некој "познат" истражувач на универзитетот каде што се прават вакви анкети. „Не го обвунувам авторот што направил анкета, но тој не користел методи кои ги практикува социјалната наука."

Реј признава дека истражувањето го правел по сопствена селекција. „Јас мислам дека секое истражување се прави по сопствена селекција," – вели тој. И Кинси работел по сопствена селекција.

Тој вели дека покрај сексуалната селекција, неговата анкета покажала дека религиозно конзервативните родители се покажале полошо кога станувало збор за сексуалната едукација.

Едно од најголемите изненадувања во истражувањето на Реј беше дека луѓето се ослободуваат од целата вина откако ќе се откажат од нивните религиозни ветувања.

„За тоа не можевме да дадеме доказ," – вели тој. „Луѓето едноставно го подобруваат нивниот сексуален живот и уживаат во тоа. Тие не го сакаат Исус во нивните кревети. И нема разлика за каква религија зборуваме кога Бог гледа."