Познатиот психолог и специјалист за врски, доктор Ерл Хенслин ги распореди проблематичните љубовници во 5 различни категории.

Кога се заљубуваме, нашите сетила се истакнуваат, нашата енергија се зголемува и ни се причинува како целиот живот да ни се менува. Како и да е, без разлика на лошите и добрите искуства од нашите возбудливи љубовни врски, ние сепак мора да ги сносиме нашите одговорности. Љубовта нема да не' ослободи од товарот на нашите индивидуални особини и емоционални несигурности.

Доктор Хенслин, во неговата книга Ова е вашиот мозок кога сте заљубени, дава 5 различни видови на карактери кои страдаат од љубовните искуства и им го отежнуваат животот на нивните партнери.

Расеани љубовници

Со други зборови – човек кој сака премногу да контролира. Ваквиот тип на карактер сака да ги донесува сите одлуки во врска со својот партнер. Расеаните љубовници се најчесто енергични, но не се снаоѓаат добро во разговор. Не знаат да се искажат.

Ако сте во врска со расеан љубовник, доктор Хенслин Ви предлага да користите техники кои се користат при тренирање на животни – изберете ги вашите битки и пробајте да реагирате позитивно.

Премногу фокусирани љубовници

Станува збор за опсесивни лица – лошо си поминуваат во врска затоа што тие не се заљубени, туку опседнати. Расеаните љубовници често доживуваат "фатална привлечност" и завршуваат како манијаци. Премногу фокусираните љубовници се фокусираат на една идеја, мисла (која е најчесто негативна) или активност. Нивните мисли се вртат во круг.

Ако вашиот партнер е премногу фокусиран, најдоброто нешто што можете да го направите според доктор Хенслин е да бидете постојано вклучени и да покажувате разбирање но и да обрнувате внимание на нивното расположение и ниво на хормони.

Љубители на месечината

Мрачни, негативни и хронично депресивни луѓе. Тие се зависни од мракот и темните мисли и постојано чекаат причина. Гледаат на љубовта како на мачнина и не очекуваат ништо добро да произлезе од неа. Ако пак се случи нешто добро, тие се непријатно изненадени затоа што се психички неспособни да почувствуваат радост. Многу често знаат да ја извлечат целата позитивна енергија од партнерот за многу кратко време.

Ако вашиот партнер го пронајдовте тука, погрижете се да не се почувствува осамено, не се обидувајте премногу за да го развеселите и обрнувајте внимание на нивната здрава исхрана за да имаат доволно енергија за живот. Ако стигнете до најлошото – секогаш можете да се потпрете на Дијазепам.

Бесни љубовници

Станува збор за агресивни луѓе.Многу лесно се вознемируваат за небитни причини и тешко се смируваат. Нивните партнери се постојано претпазливи со нив и се грижат цело време да им е удобно. Семејните насилници се најчесто бесни љубовници. Тие секогаш се лути и опасни.

Ако имате ваков партнер, запомнете – вашата задача е да се заштитите себеси и вашите деца. Во случај вашиот партнер да не е многу опасен, пробајте терапија. И притоа, внимавајте на себеси и намалете го сопствениот стрес.

Нервозни љубовници

Тие се постојано преплашени и се плашат дека светот им спрема нешто лошо. Најчесто се плашат да се заљубат и ја гледаат љубовта како ризик. Во врската, често се несигурни и имаат мала самодоверба, што не е многу секси. Тие секогаш завршуваат со скршено срце.

Ако сте во врска со ваков карактер, доктор Хенслин предлага нешто што ќе ве излече и двајцата. Нервозните луѓе сакаат секс – ги спречува да мислат за нивните стравови, а допирот кожа до кожа ги смирува. Ако добро се однесувате со нив, тие можат да се навистина интересни.

Иако се смета дека љубовта е фантастичен природен наркотик кој емоционално "не' зашеметува", нашите лични проблеми не' гонат во нашите врски. Единствениот начин да се бориме со нив е да сме свесни за квалитетите што ги поседуваме. Сепак, никој не треба да е совршен за да се заљубиме!