Сексуалниот однос може да биде напорна спортска активност. Некогаш може дури и да има смртоносни последици.

Дехидрацијата при сексуален однос е иста како и дехидрацијата во спортот

Како и при секоја спортска активност, и при сексуален однос мора да се внесува доволно количество вода. Во целата таа дива игра, телото губи голема количина на течности. Затоа, многу често луѓето страдаат од главоболка предизвикана од дехидрација. Едно истражување направено во Велика Британија покажа дека само двајца од пет луѓе пијат вода после сексуалниот однос. Многумина немаат често секс токму поради тоа што се чувствуваат лошо после тоа. На пример, истражувачите покажуваат дека французите пијат многу вода, и често имаат сексуални односи.

Напијте се чаша вода после секс

Потењето е знак дека срцето работи побрзо. Водењето љубов половина час ја забрзува работата на срцето исто како што ја забрзува трчањето на 2 километри. Разликата меѓу сексуалниот однос и спортската активност е количината на вода која треба да се испие. Резултатите од истражувањата покажуваат дека 9 од 10 луѓе пијат вода после трчање или било која друга спортска активност. Ова покажува дека луѓето не се свесни колку може сексот да го измори телото. За да ја спречат појавата на дехидрација, некои луѓе пијат чаша млеко претходно за да се осигураат дека имаат доволна количина на течности во телото.

Дехидрацијата и хормоните

Спречувањето на појавата на дехидрација при сексуалниот однос е од голема важност и за хормоните. Дехидрацијата го намалува производството на хормони, а тоа може да предизвика проблеми со плодноста и го намалува либидото. Кај жените, дехидрацијата ја намалува влажноста. Дехидрацијата е сериозна опасност ако не пиете доволно количество вода, пушите марихуана пред сексот или пак ако земете екстази или било која друга нелегална дрога.