Сте се запрашале ли некогаш што е тоа што ги тера луѓето да се бакнуваат, и зошто многумина бакнежот го поистоветуваат со маѓија? Има многу причини зошто бакнежот има така 'култен' статус.

Теорија на зависност

Оваа теорија тврди дека сите луѓе се зависни од одредени хемикалии кои се произведуваат во човечкото тело, а кои се излачуваат преку усните. Значи, се бакнуваме за да добиеме одредена количина од тие супстанци.

Верување во здивот

Многу поелегантна теорија, но едностaвно не звучи многу убедливо. Имено, во минатото луѓето верувале дека во здивот е скриена човечката душа и целата негова сила. Бакнувајќи се вие разменувате здив, што значи 'венчавање' на душите.

Животински инстикт (нушкање)

Антрополозите сметаат дека човечкото бакнување не претставува ништо друго од она што за животните е меѓусебното нушкање. И кај животните и кај луѓето станува збор за начин на поздравувње.

Допир со градите

Теориите, кои се истотака прилично убедливи го вклучуваат старото верување за постојаното навраќање на женските гради. Тоа не наведува на помислата дека бакнежот е само момент кој не носи во времето на потполното задоволство кога сме цицале од мајчините гради.

Сексуални феромони

Теоријата за нушкањето можеби и има смисла, доколку го земеме во предвид фактот дека во текот на еволуцијата човекот изгубил многу од своите природни способности. Секое топлокрвно животно, но и многу риби, низ кожата излачуваат феромони, и токму тие ја предизвикуваат моменталната реакција кај спротивниот пол.

На пример, ако женката лосос која е подготвена за исфрлање на икрата, плива во близина на некој мажјак кој што е подготвен за полов однос, тој ќе ги совлада сите можни препреки кои што ќе му се најдат на патот кон женката.