Истражувачите од Универзитетот 'Боис Стејт', во американската држава Ајдахо, открија дека повеќето хетеросексуални жени имаат и бисексуални склоности...

А ако сакате во бројки дури 60% сексуално ги привлекуваат жени, 45% бакнале жена, а половина имаат сексуални фантазии за припаднички на истиот пол.

Според психологот проф. Елизабет Морган, објавените податоци не треба да не изненадуваат, бидејќи жените често се охрабрени да чувствуваат емоционална блискост една кон друга. А, тоа од своја страна дава можност за развој на романтични чувства и интимни врски.

Жените со часови делат интимни искуства и развиваат силни врски помеѓу себе. Кога хетеросексуалните жени почнуваат да фантазираат за себе, секогаш во основата се крие емоционалното привлекување, уверена е Елизабет Морган.

Според неа ништо не ја спречува една жена да биде хеторесексуална, но и да има интереси и фантазии кон истиот пол. Експертите наведуваат дека голема улога во сексуалната привлечност меѓу жените имаат и медиумите, кои во модерното време се повеќе промовираат бисексуалност.

„Жените во медиумите често се прикажуваат со нагласена сексуалност, а пораката која постојано им се пренесува на жените е дека изгледот е многу важен. Заради тоа тие ги гледаат другите жени на сексуален начин", објаснува Морган.

Специјалистите ги анализирале резултатите од над 1 милијарда пребарувања на интернет и со изненадување утврдиле дека жените подеднакво се интересирале за фотки на Рајан Гослинг, како и за голи фотки на Џесика Алба.