Немаат само мажите проблем со прераниот оргазам. Според едно ново истражување, постои мал процент на жени кои исто така се соочуваат со преран оргазам...

Истражувањето кое било направено врз жени од Португалија, покажало дека 40% од жените повремено доживуваат оргазам прерано. Овој проблем станал хроничен кај околу 3% од нив.

„За овие жени, прераниот оргазам е навистина проблем," – вели Серафим Карвало, истражувач од една болница во Порто, Португалија. „Сметаме дека исто влијае и врз жените и врз мажите."

Прерано свршување

Според традицијата, прераниот оргазам се случува и кај жените, иако на тоа не се обрнува големо влијание. Карвало и неговите колеги најдоа некои чудни податоци за сексот. Иако прераниот оргазам кај мажите се смета за дисфункција, не постои ваква категорија кога жените се во прашање.

За да откријат дали прераниот оргазам претставува проблем за жените, Карвало и неговите колеги направија анкета врз жени од Португалија на возраст од 18 до 45 години. Во анкетата имаше прашања за честата појава на преран оргазам, и дали притоа жената се почувствувала како да изгубила контрола и дали тоа за нив претставува проблем. Во анкетата имаше и прашања за тоа колку жените се задоволни од нивната врска.

60% проценти, односно 510 жени ја пополнија анкетата. Од нив, 40% доживеале оргазам порано отколку што очекувале. Другите 14% признаа дека тоа често им се случувало.

Други 3,3% рекле дека сметаат дека имаат проблем поради прераниот оргазам, вели Карвало. Меѓутоа, немало никаква поврзаност помеѓу појавата на преран оргазам и задоволството од врската.

Стрес и фрустрации

„На една страна стојат жените кои имаат целосна контрола врз нивниот оргазам" – вели Карвало. „На сосема спротивна страна се оние кои немаат контрола врз нивниот оргазам кој го доживуваат многу рано за време на сексот а тоа потоа доведува до незадоволство кај жената а понекогаш и кај партнерот."

Една од жените рече: „Се чувствувам исто како што се чувствуваат мажите кога имаат прерана ејакулација – јас многу брзо свршувам, и така мојот дечко не добива никаква шанса и тоа почнува да ме нервира," – вели таа. „Кога еднаш ќе доживеам оргазам, не можам да продолжам, се менува расположението и на крај работите завршуваат лошо."

Иако прераниот оргазам е проблематичен, сепак, поголем проблем е неспособноста за доживување оргазам. Едно истражување од 2010 година покажа дека најголемиот проблем кај жените е баш таа неспособност за достигнување оргазам. Околу 54% од жените на возраст од 18 до 30 години се жалат за овој проблем.