Повеќе од 25% од младите жени признале дека се предаваат уште во текот на првата недела од врската...

Економската криза ги води мажите полесно и поефтино до секс,  жените масовно почнаа да ја прескокнуваат предиграта на частење пијачки и муабети за сериозна врска. "Цената на сексот ги подразбира напорите кои едната страна ги вложува за да ја натера другата на секс. Тука спаѓа купувањето пијачки или евентуално свршенички прстен", објаснува Кетлин Вос од универзитетот во Минесота.
Денес сексот толку поефтинел, што дури 30% од сексуалните врски на младите мажи немаат никаква романтика, односно додворување, праќање смс пораки или излегување на состаноци. Ништо. Само секс.

"Нема сомнение дека мажите повеќе сакаат секс од жените. Иако звучи како некоја излитена фраза, сепак тоа е факт кој жените со години го користеа за да ја одржуваат цената на сексот висока. Но, со денешната рамноправност на половите, апчињата за контрацепција и интернет порното, жените ја загубија контролата над тој 'пазар'", коментира Вашингтон Пост. Делумно за тоа е виновен законот на понуда и побарувачка. Пример за тоа е фактот што 57% од студентите на американските колеџи се жени. Со таков дисбаланс, жените го користат сексот за да се натпреваруваат со бројната конкуренција.

Ако сексот им е премногу достапен на некои мажи, тогаш во иднина тешко дека ќе може нешто да ги натера да се оженат. Дури ни љубовта. Во текот на последната деценија, бројот на оженети мажи на возраст од 25 и 34 години опаѓал за по 1% и стигнал на денешните 46%.
Економската криза е дополнителен фактор кој ги одвраќа мажите од сериозни врски.
"Да бидеме реални, на денешните жени не им требаат мажите и бракот, барем не од економски, социјални и културни причини. Мнозинството жени се жалат на мажите и романтичните средби а ретко кога на другите девојки", нагласува Марк Регнерус, социолог на универзитетот во Тексас.