Најголемите машки заблуди за сексот според психотерапевтите...

ЗНАМ ШТО САКА - Мажите често претпоставуваат дека знаат што сака нивната партнерка врз основа на нивното искуство со други жени. Но, сите жени се различни па најчесто она што една го обожавала, многу веројатно е друга да го мрази.

ЈАС СУМ ДОВОЛЕН - Ниту еден маж не може на жената да и овозможи такви задоволства како што може еден вибратор. Затоа, не мислете дека нешто не е во ред доколку вашата партнерка користи такво помагало. Размислувајте за него како за ваш сојузник, а не како за „замена“ која ќе ве исфрли од кревет.

СЕКСОТ Е ИСТ ЗА СИТЕ – Не баш. Мажите често мислат дека жените уживаат во пенетрацијата еднакво како и мажите, што не е баш точно, бидејќи внатрешноста на вагината е помалку осетлива во споредба со надворешните делови на женските гениталии.

СОВРШЕНО ГО ПОЗНАВАМ НЕЈЗИНОТО ТЕЛО - Повеќето мажи знаат што е клиторис и како да го пронајдат, но многумина не знаат колку е осетлив и како треба да го допираат. За некои жени она што е максимално пријатно за други може да биде прегрубо. Па, за да знаете што сака, најдобро е да ја прашате.

ЗНАМ КОГА Е РАСПОЛОЖЕНА - Момците мислат дека жената е расположена и максимално подготвена за акција само ако е доволно влажна. Но, ова не мора да важи секогаш, бидејќи влажноста на вагината зависи и од менструалниот циклус на жените и е подложна на влијанието од стресот или некои медикаменти кои жените ги консумираат.

МОЛЧЕЊЕТО Е ЗЛАТО - Мажите честопати мислат дека за време на сексот би требало да молчат, но ако не и кажете што сакате, таа може да се обидува до утре сабајле и пак да е попусто. Ќе цени ако и дадете некои насоки. Секако, не би требало да ја фатите за коса и да и ја турнете главата таму долу, но можете со дискретен разговор да и соопштите што сакате.