Едно ново истражување покажува дека жените бисексуалки пијат повеќе алкохол отколку мажите бисексуалци. Исто така, пушат повеќе цигари и страдаат од депресија и стрес.

Истражувачите сеуште не можат да утврдат зошто младите девојки имаат посериозни здравствени проблеми отколку мажите бисексуалци.

"Луѓето имаат многу предрасуди за овие луѓе," - вели Лиза Линдли од Универзитетот "Џорџ Мејсон." "Луѓето им велат дека се збунети и дека треба да изберат еден пол. Сметам дека бисексуалците се прилично несфатени и токму поради тоа се многу ранливи."

Исто така, жените бисексуалки имаат многу мала поддршка од општеството и затоа често ги менуваат партнерите, пробуваат и со двата пола и цел тој притисок понатаму предизвикува депресија и стрес, сметаат истражувачите.

Сексуалниот идентитет и здравјето

Линдли и нејзините колеги направија анкета на национално ниво на 7 969 жени и 6 716 мажи. Испитаниците пополнија 2 анкети - една во периодот помеѓу 1994 и 1995 година, кога беа на возраст од 7-12 години, и една анкета во периодот од 2007 до 2008 година, кога беа на возраст од 24-32 години. Истражувачите анализираа три различни аспекти на сексуалноста - сексуалниот идентитет, сексуалното однесување и сексуалната привлечност. Потоа, испитуваа како овие аспекти се поврзани со ризикот за добивање некакви болести. Резултатите покажаа дека мажите и жените кои се изјасниле како бисексуалци биле повеќе склони кон депресија, стрес и алкохол. Резултатите исто така покажаа дека ризикот од овие појави е многу поголем кај жените.

Дали нa жените им фали поддршка?

Истражувачите сеуште не знаат зошто мажите бисексуалци подобро се носат со својата сексуалност отколку жените. "Можеби затоа што мажите се малку повеќе прифатени во општеството отколку жените. Жените сметаат дека немаат никаква поддршка." - вели Линдли.

Поради недостигот на оваа поддршка, жените веројатно се чувствуваат изолирани и немаат со кој да разговараат на оваа тема.

Линдли вели: "Жените повеќе сакаат да го менуваат полот на нивните партнери отколку мажите. Кај мажите најчесто работите се јасни, или се хомосексуалци, или се хетеросексуалци."

Истражувачите сметаат дека се потребни дополнителни истражувања за да се разбере врската меѓу жените бисексуалки и ризикот од депресија, појавата на стрес и преголемата употреба на алкохол. Сепак, тие предупредуваат дека од ова истражување не треба да градиме стереотипи. "Не се сите бисексуалки исти. Некои немаат никакви проблеми." - вели Линдли.