Мислите дека вибраторот го измислиле во порнографската индустрија? Сте се излагале. Ова е вистинската приказна за него.

Хистеријата и вибраторот

Методот за масажа на вулвата датира наназад до времето на Хипократ. Во 19 век се етаблирал како многу ефективен начин за третман за хистерија и невростенија или нервна слабост кажано со обичен јазик. Како и да е, оваа процедура на масажа на вулвата не била од сексуална природа. Процедурата била поприлично бавна, досадна и мирна и траела се додека пациентот не достигнел емоционално ниво во кое сите знаци на хистерија или невростенија исчезнеле.

Методов, се разбира, бил многу популарен меѓу жените. Со оглед дека рачната процедура била многу напорна а во некои случаи било потребно долго време за поединечен случај, се почнало со употреба на хидротерапија. Поточно, гениталната област на жените била масирана со млазови од вода.

Во 1880 година, еден Британски лекар измислил електрична направа, имено вибраторот, кој бил наменет за употреба во психијатриска ординација. Идејата била да се употребува кај пациенти на кои им било потребно смирување во рамки од десеттина минути.

Употреба на вибраторот за по дома

Природно, разноразни производители веднаш ја искористиле приликата да изработуваат вакви справи за домашна употреба. Така, компанијата Хамилтон Бич од Расин, Висконсин, САД, го патентирала првиот вибратор за домашна употреба уште во далечната 1902 година.

Се до 1917 година, продажбата на вибратори за домашна употреба драстично се зголемувала и тие биле со одличен квалитет. Во 1920 година, се појавиле бројни фотографии и филмови кои ја презентирале направата за пошироката јавност. Еден од пославните филмови од тоа време е Приказната на Калуѓерката.

Популаризација на вибраторот

Вибраторот за домашна работа бил најмногу рекламиран 1950тите до 1970тите години. Сите реклами биле двосмислени. Имено, се прикажувале вибрирачки четки за коса, апарати за масажа на вратот и грбот, или додатоци за правосмукалката, а истовремено, била скриена нивната вистинска намена.

Благодарејќи им на феминистичките идеи карактеристични за Регановата Администрација во САД, вибраторите станале уште попопуларни. Во 1973 година, Бети Додсон, предводник на т.н. „сексуално ослободување" на жените во Америка, организирала женски групи за мастурбација кои ја охрабрувале употребата на вибратори.

Таа исто така ја издала книгата Секс за Еден, која била преведена на 8 јазици. Истата година се појавил и првиот секс-шоп специјализиран за жени во Њујорк, наречен Градината на Ева. Со оглед на на зголемениот број на ХИВ инфекции во тоа време, Регановата администрација превзела акција за промовирање на безбеден сексуален однос, па почнале да се дистрибуираат флаери со упатства за употеба на вибраторите како сигурен начин да се избегне Сидата.

Денес, се разбира, нема многу табуа поврзани со употребата на вибраторите. Тие се многу често „играчка" на возрасните. Најпопуларниот вибратор во модерната култура е наречен зајак и се појавува како „актер" во популарната серија Сексот и Градот.